မွန်ပြည်နယ်၊ ဘီးလင်းမြို့နယ်၊ ရှမ်းပြည်နယ်၊ တောင်ကြီးမြို့နယ်နှင့် ပဲခူးတိုင်းဒေသကြီး၊ လက်ပံတန်းမြို့နယ်တို့၌ လိုင်စင်မဲ့ မော်တော်ယာဉ် လေးစီး ဖမ်းဆီးအရေးယူ

မွန်ပြည်နယ်၊ ဘီးလင်းမြို့နယ်၊ ရှမ်းပြည်နယ်၊ တောင်ကြီးမြို့နယ်နှင့် ပဲခူးတိုင်းဒေသကြီး၊ လက်ပံတန်းမြို့နယ်တို့၌ လိုင်စင်မဲ့ မော်တော်ယာဉ် လေးစီး ဖမ်းဆီးအရေးယူ

     ၂၀၂၆ ခုနှစ်၊ ဇန်နဝါရီ ၂၈ ရက်က မွန်ပြည်နယ်၊ ဘီးလင်းမြို့နယ်၊ ရှမ်းပြည်နယ်၊ တောင်ကြီး မြို့နယ်နှင့် ပဲခူးတိုင်းဒေသကြီး၊ လက်ပံတန်းမြို့နယ်တို့၌ လိုင်စင်မဲ့ မော် တော်ယာဉ် လေးစီး ဖမ်းဆီး အရေးယူထားကြောင်း သိရသည်။

     ဖြစ်စဉ်မှာ ဇန်နဝါရီ ၂၈ ရက် နံနက် ၈ နာရီ ၃၀ မိနစ်တွင် မွန်ပြည်နယ်၊ ဘီးလင်းမြို့နယ်၊ ကျောက်ရေတွင်းကျေးရွာ၊ နောင်ရိုးစည်ပင်လုံခြုံရေးရဲကင်း၌ ဘီးလင်းမြို့မရဲစခန်းမှ တပ်ဖွဲ့ဝင်များက ယာဉ်စစ်ဆေးခြင်းများ ဆောင်ရွက်နေစဉ် ဘီးလင်းမြို့မှ ကျိုက်ထိုမြို့ဘက်သို့ မန္တလေးတိုင်း ဒေသကြီး၊ ကျောက်ပန်းတောင်းမြို့နယ်၊ အင် တိုင်းကျေးရွာနေ ချစ်ကိုကို(၃၁)နှစ် မောင်းနှင်လာသော YGN-31/RLG-XXXX NISSAN X-TRAIL မော်တော်ယာဉ်အား ရပ်တန့်စစ်ဆေးခဲ့ရာ အဆိုပါ မော်တော်ယာဉ်နှင့်ပတ်သက်သည့် အထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ မော်တော်ယာဉ်ဖြစ်ကြောင်း စစ်ဆေးတွေ့ရှိရသဖြင့် ချစ်ကိုကို အား ဘီးလင်းမြို့မရဲစ ခန်း (ပ)၂၇/၂၀၂၆၊ ပို့ကုန်သွင်းကုန်ဥပဒေပုဒ်မ ၈ ဖြင့် လည်းကောင်း။

     အလားတူ နံနက် ၁၁ နာရီ ၄၅ မိနစ်တွင် ဘီးလင်းမြို့နယ်၊ ရွှေသံလွင်တိုးဂိတ်ဟောင်း လုံခြုံရေးရဲကင်း၌ ဘီးလင်းမြို့မရဲစခန်းမှ တပ်ဖွဲ့ဝင်များက ယာဉ်စစ်ဆေးခြင်းများ ဆောင်ရွက်နေစဉ် သထုံမြို့မှ ဘီးလင်းမြို့ဘက်သို့ ကရင်ပြည်နယ်၊ ဘားအံမြို့နယ်၊ အမှတ်(၇)ရပ်ကွက်နေ သက်ပိုင်ဦး (၂၇)နှစ် မောင်းနှင်လာသော MDY-18/5N-XXXX NISSAN X-TRAIL မော်တော်ယာဉ်အား ရပ်တန့် စစ်ဆေးခဲ့ရာ အဆိုပါမော်တော်ယာဉ်နှင့်ပတ်သက်သည့် အထောက်အထားတစ်စုံတစ်ရာ ပြသနိုင်ခြင်း မရှိဘဲ လိုင်စင်မဲ့ မော်တော်ယာဉ်ဖြစ်ကြောင်း စစ်ဆေးတွေ့ရှိရသဖြင့် သက်ပိုင်ဦး အား ဘီးလင်း မြို့မရဲစခန်း (ပ)၂၈/၂၀၂၆၊ ပို့ကုန်သွင်းကုန်ဥပဒေပုဒ်မ ၈ ဖြင့် လည်း ကောင်း။

     ထို့အတူ မွန်းလွဲ ၂ နာရီ ၂၀ မိနစ်တွင် ရှမ်းပြည်နယ်၊ တောင်ကြီးမြို့နယ်၊ တောင်ကြီးနယ်မြေ ရဲစခန်းမှ တပ်ဖွဲ့ဝင်များက နယ်မြေလှည့်ကင်း ဆောင်ရွက်နေစဉ် ရေအေးကွင်းရပ်ကွက်၊ ဥဿဖြား လမ်းပေါ်အရောက်၌ ဘုရားဖြူရပ်ကွက်နေ သူရိန်ကျော်(၂၄)နှစ် မောင်းနှင်လာသည့် SHN-18/ 1L-XXXX MITSUBISHI CANTER မော် တော်ယာဉ်အား ရပ်တန့်စစ်ဆေးခဲ့ရာ အဆိုပါမော်တော်ယာဉ်နှင့် ပတ်သက်သည့် အထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ မော်တော်ယာဉ် ဖြစ် ကြောင်း စစ်ဆေးတွေ့ရှိရသဖြင့် သူရိန်ကျော် အား တောင်ကြီးနယ်မြေရဲစခန်း (ပ)၁၅/၂၀၂၆၊ ပို့ကုန်သွင်းကုန်ဥပဒေပုဒ် ၈ ဖြင့် လည်းကောင်း။

     ထို့အတူ ညနေ ၄ နာရီ ၁၀ မိနစ်တွင် ပဲခူးတိုင်းဒေသကြီး၊ လက်ပံတန်းမြို့နယ်၊ မင်းရပ် ရပ်ကွက်၊ အမှတ်(၅)လမ်းနှင့် လမ်းမတော်လမ်းဆုံတွင် လက်ပံတန်းမြို့မရဲစ ခန်းမှ တပ်ဖွဲ့ဝင်များက ယာဉ်စစ်ဆေးခြင်းများ ဆောင်ရွက်နေစဉ် ချမ်းသာကုန်းကျေးရွာနေ ကျော်လင်းထွန်း(၄၃)နှစ် မောင်းနှင်လာသော MDY-18/4J-XXXX HONDA INSIGHT မော်တော်ယာဉ်အား ရပ်တန့်စစ်ဆေးခဲ့ရာ အဆိုပါမော်တော်ယာဉ်နှင့်ပတ်သက်သည့် အထောက်အထားတစ်စုံတစ်ရာ ပြသနိုင်ခြင်းမရှိဘဲ လိုင်စင်မဲ့ မော် တော်ယာဉ်ဖြစ်ကြောင်း စစ်ဆေးတွေ့ရှိရသဖြင့် ကျော်လင်းထွန်း အား လက်ပံတန်း မြို့မရဲစခန်း (ပ)၁၄/၂၀၂၆၊ ပို့ကုန်သွင်းကုန်ဥပဒေပုဒ်မ ၈ ဖြင့် လည်းကောင်း အ သီးသီးအမှုဖွင့် အရေးယူထားကြောင်း သတင်းရရှိပါသည်။