ရန်ကုန်တိုင်းဒေသကြီး၊ လှည်းကူးမြို့နယ်၌ မော်တော်ယာဉ်မှ တံခါးအားဖွင့်စဉ် ဘက်ထရီစက်ဘီး စီးနင်းလာသူမှ မော်တော်ယာဉ်တံခါးကို ဝင်ရောက်တိုက်မိ၍ အမျိုးသား တစ်ဦး သေဆုံး

ရန်ကုန်တိုင်းဒေသကြီး၊ လှည်းကူးမြို့နယ်၌ မော်တော်ယာဉ်မှ တံခါးအားဖွင့်စဉ် ဘက်ထရီစက်ဘီး စီးနင်းလာသူမှ မော်တော်ယာဉ်တံခါးကို ဝင်ရောက်တိုက်မိ၍ အမျိုးသား တစ်ဦး သေဆုံး

     ရန်ကုန်တိုင်းဒေသကြီး၊ လှည်းကူးမြို့နယ်၌ အောက်တိုဘာ ၂၂ ရက်က မော်တော်ယာဉ်တံခါးအားဖွင့်စဉ် ဘက်ထရီစက်ဘီးစီးနင်းလာသူမှ မော်တော်ယာဉ်တံခါးကို ဝင်ရောက်တိုက်မိ၍ အမျိုးသား တစ်ဦး သေဆုံးခဲ့ကြောင်း သိရသည်။ 

     ဖြစ်စဉ်မှာ အောက်တိုဘာ ၂၂ ရက် မွန်းလွဲ ၂ နာရီ ၅ မိနစ်အချိန်တွင် လှည်းကူးမြို့နယ်၊ ကျွန်းကလေးကျေးရွာအနီး၊ ရန်ကုန်-ပဲခူးကားလမ်းပေါ်၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၆၆)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များက သွားရောက်စစ်ဆေးခဲ့ရာ အဆိုပါလမ်းအတိုင်း အရှေ့မှ အနောက်သို့ လှည်းကူးမြို့နယ်၊ ကျွန်းကလေးကျေးရွာနေ မျိုးသူနိုင်(၃၃)နှစ် မောင်းနှင်ပြီး စာဘူးတောင်းကျေးရွာနေ နိုင်လင်းဦး(၂၀)နှစ် လိုက်ပါလာသည့် BGO-11 7N-XXXX HINO DUTRO မော်တော် ယာဉ်သည် “အေးချမ်း” အိမ်ဆောက်ပစ္စည်းဆိုင်ရှေ့ အရောက်၌ ယာဉ်အား ရပ်တန့်ပြီး နိုင်လင်းဦးမှ ယာဉ်၏ဝဲဘက်တံခါးအားဖွင့်စဉ် လားရာတူအနောက်မှ သာကေတမြို့နယ်၊ အမှတ်(၁၀/မြောက်)ရပ်ကွက်နေ ဦးအောင်သူရ(၅၄)နှစ်စီးနင်းလာသည့် ဘက်ထရီစက်ဘီးမှ ဝင်ရောက်တိုက်မိခဲ့သဖြင့် ဦးအောင်သူရတွင် ဒဏ်ရာများရရှိကာ သေဆုံးသွားခဲ့သောကြောင့် မျိုးသူနိုင်နှင့် နိုင်လင်းဦးတို့ နှစ်ဦးအား လှည်းကူးမြို့မရဲစခန်း ယာဉ်(ပ)၁၅/၂၀၂၅၊ ရာဇသတ်ကြီးပုဒ်မ ၃၀၄-က ဖြင့် အမှုဖွင့်အရေးယူထားကြောင်း သတင်းရရှိပါသည်။