ရန်ကုန်တိုင်းဒေသကြီး၊ ဒလမြို့နယ်၌ မော်တော်ယာဉ်မှ အရှိန်မထိန်းနိုင်ဘဲ လမ်းဘေးတွင် ထိုင်နေ သူများအား ဝင်ရောက်တိုက်မိခဲ့မှုကြောင့် အမျိုးသား လေးဦး ထိခိုက်ဒဏ်ရာရရှိ

ရန်ကုန်တိုင်းဒေသကြီး၊ ဒလမြို့နယ်၌ မော်တော်ယာဉ်မှ အရှိန်မထိန်းနိုင်ဘဲ လမ်းဘေးတွင် ထိုင်နေ သူများအား ဝင်ရောက်တိုက်မိခဲ့မှုကြောင့် အမျိုးသား လေးဦး ထိခိုက်ဒဏ်ရာရရှိ

     ၂၀၂၅ ခုနှစ်၊ နိုဝင်ဘာ ၂၀ ရက်က ရန်ကုန်တိုင်းဒေသကြီး၊ ဒလမြို့နယ်၌ မော်တော်ယာဉ်မှ အရှိန်မထိန်းနိုင်ဘဲ လမ်းဘေးတွင် ထိုင်နေသူများအား ဝင်ရောက်တိုက်မိခဲ့မှုကြောင့် အမျိုးသား လေးဦး ထိခိုက်ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ နိုဝင်ဘာ ၂၀ ရက် မွန်းလွဲ ၁ နာရီ ၃၀ မိနစ်တွင် ရန်ကုန်တိုင်းဒေသကြီး၊ ဒလ မြို့နယ်၊ အံကြီးအနောက်ရပ်ကွက်၊ ကနောင်လမ်းနှင့် အနော်ရထာ(၄)လမ်းဆုံ၌ ယာဉ်တိုက်မှု ဖြစ်ပွားကြောင်း သတင်းအရ  အမှတ်(၅၈)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များက သွားရောက် စစ်ဆေးခဲ့ရာ ဒလမြို့နယ်၊ ကမာကသွယ်ရပ်ကွက်နေ ဇော်သန့်(၄၇)နှစ် မောင်းနှင်လာသည့် YGN-13/ AA-XXXX NISSAN AD VAN မော်တော်ယာဉ်သည် အဆိုပါလမ်းဆုံအရောက်၌ အနော်ရထာ(၄)လမ်း အတွင်းသို့ ချိုးကွေ့စဉ် အရှိန်မထိန်းနိုင်ဘဲ လမ်းဘေးတွင် ထိုင်နေသည့် အံကြီးအနောက်ရပ်ကွက်နေ ဦးညွန့်မောင်(၈၀)နှစ်ပါ အမျိုးသား လေးဦးတို့အား ဝင်ရောက်တိုက်မိခဲ့သဖြင့် ဦးညွန့်မောင်ပါ အမျိုးသား လေးဦးတို့တွင် ထိခိုက်ဒဏ်ရာများ အသီးသီးရရှိခဲ့သောကြောင့် ဇော်သန့် အား ဒလမြို့မ ရဲစခန်း ယာဉ်(ပ)၅/၂၀၂၅၊ ရာဇသတ်ကြီးပုဒ်မ ၃၃၈/ ၃၃၇/ ၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။