ရန်ကုန်တိုင်းဒေသကြီး၊ တိုက်ကြီးမြို့နယ်၌ မော်တော်ဆိုင်ကယ်မှ အရှိန်မထိန်းနိုင်ဘဲ ရပ်တန့်ထားသည့် မော်တော်ယာဉ် နှစ်စီးအား ဝင်ရောက်တိုက်မိခဲ့မှုကြောင့် အမျိုးသား တစ်ဦး သေဆုံး

ရန်ကုန်တိုင်းဒေသကြီး၊ တိုက်ကြီးမြို့နယ်၌ မော်တော်ဆိုင်ကယ်မှ အရှိန်မထိန်းနိုင်ဘဲ ရပ်တန့်ထားသည့် မော်တော်ယာဉ် နှစ်စီးအား ဝင်ရောက်တိုက်မိခဲ့မှုကြောင့် အမျိုးသား တစ်ဦး သေဆုံး

     ၂၀၂၅ ခုနှစ်၊ နိုဝင်ဘာ ၁၉ ရက်က ရန်ကုန်တိုင်းဒေသကြီး၊ တိုက်ကြီးမြို့နယ်၌ မော်တော် ဆိုင်ကယ်မှ အရှိန်မထိန်းနိုင်ဘဲ ရပ်တန့်ထားသည့် မော်တော်ယာဉ် နှစ်စီးအား ဝင်ရောက်တိုက်မိခဲ့ မှုကြောင့်  အမျိုးသား တစ်ဦး သေဆုံးခဲ့ကြောင်း သိရသည်။ 

     ဖြစ်စဉ်မှာ နိုဝင်ဘာ ၁၉ ရက် ညနေ ၅ နာရီ ၁၀ မိနစ်တွင် ရန်ကုန်တိုင်းဒေသကြီး၊ တိုက်ကြီး မြို့နယ်၊ တာခွကျေးရွာ၊ ရန်ကုန်-ပြည်ကားလမ်းပေါ်ရှိ “ရွှေဘူးရိပ်” ထမင်းဆိုင်အနီး၌ ယာဉ်တိုက်မှု ဖြစ်ပွားကြောင်း သတင်းအရ အမှတ်(၆၀)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များက သွားရောက် စစ်ဆေးခဲ့ရာ အဆိုပါလမ်းအတိုင်း ရန်ကုန်တိုင်းဒေသကြီး၊ မှော်ဘီမြို့နယ်၊ ရွှေမြယာကျေးရွာနေ ဝင်းကိုဦး(၃၀)နှစ် မောင်းနှင်လာသည့် မော်တော်ဆိုင်ကယ်သည် အခင်းဖြစ်နေရာအရောက်၌ အရှိန် မထိန်းနိုင်ဘဲ လမ်းဘေးတွင် ရပ်တန့်ထားသည့် ဦးချစ်ပိုင်၏ YGN-1/6D-XXXX TOYOTA BELTA မော်တော်ယာဉ်နှင့် ဒေါ်သဲသဲပြည့်စုံလတ်၏ YGN-16/6J-XXXX HONDA FIT မော်တော်ယာဉ်တို့အား ဝင်ရောက်တိုက်မိခဲ့ပြီး ဝင်းကိုဦးတွင် ထိခိုက်ဒဏ်ရာများရရှိကာ အခင်းဖြစ်နေရာ၌ သေဆုံးသွား ခဲ့သောကြောင့် ဝင်းကိုဦး အား တိုက်ကြီးမြို့မရဲစခန်း ယာဉ်(ပ) ၂၃/၂၀၂၅၊ ရာဇသတ်ကြီးပုဒ်မ ၃၀၄-က/၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။