ရန်ကုန်တိုင်းဒေသကြီး၊ တောင်ဥက္ကလာပမြို့နယ်၊ မြင်သာဈေးလမ်းဆုံမီးပွိုင့်၌ မော်တော်ယာဉ် သုံးစီး ဆင့်တိုက်မှု ဖြစ်ပွား

ရန်ကုန်တိုင်းဒေသကြီး၊ တောင်ဥက္ကလာပမြို့နယ်၊ မြင်သာဈေးလမ်းဆုံမီးပွိုင့်၌ မော်တော်ယာဉ် သုံးစီး ဆင့်တိုက်မှု ဖြစ်ပွား

     ၂၀၂၆ ခုနှစ်၊ ဇန်နဝါရီ ၂၃ ရက်က ရန်ကုန်တိုင်းဒေသကြီး၊ တောင်ဥက္ကလာပမြို့နယ်၊ မြင်သာဈေး လမ်းဆုံမီးပွိုင့်၌ မော်တော်ယာဉ် သုံးစီး ဆင့်တိုက်မှုဖြစ်ပွားခဲ့ကြောင်း သိရသည်။

     ဖြစ်စဉ်မှာ ဇန်နဝါရီ ၂၃ ရက် နံနက် ၁၁ နာရီ ၃၀ မိနစ်တွင် တောင်ဥက္ကလာပမြို့နယ်၊ အမှတ်(၅)ရပ်ကွက်၊ သံသုမာလမ်း၊ မြင်သာဈေးလမ်းဆုံမီးပွိုင့်၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၆)ယာဉ်ထိန်းရဲဒုတပ်ဖွဲ့ခွဲမှ တပ်ဖွဲ့ဝင်များက သွားရောက်စစ်ဆေးခဲ့ရာ လှည်းကူးမြို့နယ်၊ တိလောကရပ်ကွက်နေ အာကာမင်း (၃၁)နှစ်သည် BGO-11 9K-XXXX MITSUBISHI CANTER မော်တော်ယာဉ်အား သံသုမာလမ်းအတိုင်း မြောက်မှ တောင်သို့ မောင်းနှင်လာစဉ် မြင်သာဈေး လမ်းဆုံမီးပွိုင့်အရောက်၌ အရှိန်မထိန်းနိုင်ဘဲ ၎င်းရှေ့မှမောင်းနှင်နေသည့် YGN-44 HH-XXXX LIVAN EV မော်တော်ယာဉ်နှင့် BGO-2 9M-XXXX HONDA FIT မော်တော်ယာဉ်တို့အား အဆင့်ဆင့် ဝင်ရောက် တိုက်မိခဲ့သဖြင့် မော်တော်ယာဉ် သုံးစီး ထိခိုက်ပျက်စီးဆုံးရှုံးခဲ့သောကြောင့် အာကာမင်း အား တောင်ဥက္ကလာပမြို့မရဲစခန်း ယာဉ်(ပ)၃/၂၀၂၆၊ ရာဇသတ်ကြီးပုဒ်မ ၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။