ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်နှင့် တာမွေမြို့နယ်တို့၌ ငွေကျပ် သိန်း ၂,၀၅၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ

ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်နှင့် တာမွေမြို့နယ်တို့၌ ငွေကျပ် သိန်း ၂,၀၅၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ

     ၂၀၂၆ ခုနှစ်၊ ဖေဖော်ဝါရီ ၇ ရက် ညနေ ၆ နာရီ ၃၀ မိနစ်တွင် မူးယစ်ဆေးဝါးတားဆီး နှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ ရန်ကုန်တိုင်းဒေသကြီး၊ သင်္ဃန်းကျွန်းမြို့နယ်၊ (ဆ/က)ရပ်ကွက်၌ ကမာရွတ်မြို့နယ်၊ အမှတ်(၃)ရပ်ကွက်နေ အောင်ကိုကို(ခ)အောင်လေး(ခ)ကျော်မောင်မောင်(၃၀) နှစ် မောင်းနှင်ပြီး တာမွေမြို့နယ်၊ ပုသိမ်ညွန့်ရပ်ကွက်နေ ဇော်မျိုးဆွေ(၃၇)နှစ်တို့ လိုက်ပါလာသော TOYOTA MARK X အမျိုးအစား မော်တော်ယာဉ်အား ရပ်တန့်စစ် ဆေးရှာဖွေခဲ့ရာ ယာဉ်ပေါ်မှ စိတ်ကြွရူးသွပ်ဆေးပြား ၉၅,၀၀၀ ပြား (တစ်ပြားလျှင် ငွေကျပ် ၁,၀၀၀ နှုန်းဖြင့် ၎င်းဒေသကာလတန်ဖိုး ငွေကျပ် သိန်း ၉၅၀)အား သိမ်း ဆည်းရမိခဲ့ကြောင်း။

     ကွင်းဆက်ဖော်ထုတ်ချက်အရ မူးယစ်ဆေးဝါး သယ်ဆောင်ရောင်းဝယ်ရာတွင် ပူးပေါင်း ပါဝင်သူများဖြစ်သည့် ဒေါပုံမြို့နယ်၊ ဗမာအေးရပ်ကွက်နေသူများဖြစ်သည့် ဦးသန်းမောင်(၅၉)နှစ်၊ ဦးကျော်ဇောလှ(၆၄)နှစ်တို့အား ည ၇ နာရီ ၃၀ မိနစ်တွင် တာမွေမြို့နယ်၊ (၁၆၅)လမ်းရှိ လက်ဖက်ရည် ဆိုင်၌ ဆက်လက်ဖမ်းဆီးရမိခဲ့ကြောင်း၊ ဆက်လက်၍ ည ၈ နာရီ ၃၀ မိနစ်တွင် အောင်ကိုကို(ခ) အောင်လေး(ခ)ကျော်မောင်မောင် ငှားရမ်းနေထိုင်သည့် ကမာရွတ်မြို့နယ်၊ အမှတ်(၃)ရပ်ကွက်ရှိ နေ အိမ်တိုက်ခန်းမှ စိတ်ကြွရူးသွပ်ဆေးပြား ၁၁၀,၀၀၀ ပြား (တစ်ပြားလျှင် ငွေကျပ် ၁,၀၀၀ နှုန်းဖြင့် ၎င်းဒေသကာလ တန်ဖိုးငွေကျပ်သိန်း ၁,၁၀၀)အား ထပ်မံသိမ်း ဆည်းရမိသဖြင့် အောင်ကိုကို(ခ) အောင်လေး(ခ)ကျော်မောင်မောင်၊ ဇော်မျိုးဆွေ၊ ဦးသန်းမောင်နှင့် ဦးကျော်ဇောလှတို့အား မူးယစ် ဆေးဝါးနှင့် စိတ်ကိုပြောင်းလဲစေ သောဆေးဝါးများဆိုင်ရာဥပဒေအရ အမှုဖွင့်အရေးယူထားကြောင်း သတင်းရရှိပါသည်။