ရှမ်းပြည်နယ်၊ မိုင်းဖြတ်မြို့နယ်၌ ဆိုင်ကယ် နှစ်စီး မျက်နှာချင်းဆိုင်တိုက်မိခဲ့မှုကြောင့် အမျိုးသား တစ်ဦး သေဆုံးကာ ကလေး တစ်ဦး အပါအဝင် အမျိုးသား သုံးဦးနှင့် အမျိုးသမီး တစ်ဦး ထိခိုက် ဒဏ်ရာရရှိ

ရှမ်းပြည်နယ်၊ မိုင်းဖြတ်မြို့နယ်၌ ဆိုင်ကယ် နှစ်စီး မျက်နှာချင်းဆိုင်တိုက်မိခဲ့မှုကြောင့် အမျိုးသား တစ်ဦး သေဆုံးကာ ကလေး တစ်ဦး အပါအဝင် အမျိုးသား သုံးဦးနှင့် အမျိုးသမီး တစ်ဦး ထိခိုက် ဒဏ်ရာရရှိ

   ၂၀၂၅ ခုနှစ်၊ နိုဝင်ဘာ ၂၃ ရက်က ရှမ်းပြည်နယ်၊ မိုင်းဖြတ်မြို့နယ်၌ ဆိုင်ကယ်နှစ်စီး မျက်နှာချင်းဆိုင်တိုက်မိခဲ့မှုကြောင့် အမျိုးသား တစ်ဦး သေဆုံးကာ ကလေး တစ်ဦး အပါအဝင် အမျိုးသား သုံးဦး နှင့် အမျိုးသမီး တစ်ဦး ထိခိုက်ဒဏ်ရာရရှိခဲ့ကြောင်း သိရသည်။

   ဖြစ်စဉ်မှာ နိုဝင်ဘာ ၂၃ ရက် ညနေ ၅ နာရီတွင် ရှမ်းပြည်နယ်၊ မိုင်းဖြတ်မြို့နယ်၊ ဟောင်ဟင်ကျေးရွာအနီး မိုင်းဖြတ်-မိုင်းယောင်းကားလမ်း ကီလိုမီတာတိုင်အမှတ် 2 KM နှင့် 3 KM အကြား၌ ယာဉ်တိုက်မှုဖြစ်ပွားကြောင်း သတင်းအရ မိုင်းဖြတ်မြို့မရဲစခန်းမှ တပ်ဖွဲ့ဝင်များက သွားရောက် စစ်ဆေးခဲ့ရာ မိုင်းဖြတ်မြို့နယ်၊ ရှေခင်ကျေးရွာနေ မြင်ရ(၂၈)နှစ် မောင်းနှင်ပြီး ဇနီးဖြစ်သူ မတုန်းထ (၂၅)နှစ်နှင့် သားဖြစ်သူ မောင်ဖြူရန်(၈)နှစ်တို့ လိုက်ပါလာသည့် SHN-XXXX HONDA WAVE 125 ဆိုင်ကယ်သည် မိုင်းဖြတ်မြို့မှ မိုင်းယောင်းမြို့ဘက်သို့ မောင်းနှင်လာစဉ် အခင်းဖြစ်နေရာ အရောက်၌ မျက်နှာချင်းဆိုင်မှ မိုင်းယောင်းမြို့နယ်၊ နာဟကျေးရွာနေ ကျဟဲ(၂၅)နှစ် မောင်းနှင်ပြီး တစ်ရွာတည်းနေ စောလှမူ(၂၃)နှစ် လိုက်ပါလာသည့် HONDA WAVE 110 ဆိုင်ကယ်ဖြင့် မျက်နှာချင်းဆိုင်တိုက်မိခဲ့မှုကြောင့် ၎င်းတို့ ငါးဦးတွင် ထိခိုက်ဒဏ်ရာများ အသီးသီးရရှိခဲ့သောကြောင့် မိုင်းဖြတ်မြို့နယ်ပြည်သူ့ဆေးရုံ၌ ဆေးကုသမှုခံယူနေစဉ် မြင်ရမှာ အခင်းဖြစ်စဉ်မှ ရရှိခဲ့သည့် ထိခိုက် ဒဏ်ရာများဖြင့် သေဆုံးသွားခဲ့သောကြောင့် မြင်ရနှင့် ကျဟဲတို့ နှစ်ဦးအား မိုင်းဖြတ်မြို့မရဲစခန်း ယာဉ်(ပ)၂/၂၀၂၅၊ ရာဇသတ်ကြီးပုဒ်မ ၃၀၄-က/၃၃၈/၃၃၇/၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။