ရှမ်းပြည်နယ်၊ မိုင်းဖြတ်မြို့နယ်၌ မော်တော်ယာဉ်နှင့် ဆိုင်ကယ် မျက်နှာချင်းဆိုင် တိုက်မိခဲ့မှုကြောင့် အမျိုးသား တစ်ဦး သေဆုံး

ရှမ်းပြည်နယ်၊ မိုင်းဖြတ်မြို့နယ်၌ မော်တော်ယာဉ်နှင့် ဆိုင်ကယ် မျက်နှာချင်းဆိုင် တိုက်မိခဲ့မှုကြောင့် အမျိုးသား တစ်ဦး သေဆုံး

     ၂၀၂၆ ခုနှစ်၊ ဧပြီ ၂၈ ရက်က ရှမ်းပြည်နယ်၊ မိုင်းဖြတ်မြို့နယ်၌ မော်တော်ယာဉ်နှင့် ဆိုင်ကယ် မျက်နှာချင်းဆိုင် တိုက်မိခဲ့မှုကြောင့် အမျိုးသား တစ်ဦး သေဆုံးသွားခဲ့ကြောင်း သိရသည်။
     ဖြစ်စဉ်မှာ ဧပြီ ၂၈ ရက် မွန်းလွဲ ၃ နာရီ ၃၀ မိနစ်တွင် ရှမ်းပြည်နယ်၊ မိုင်းဖြတ်မြို့နယ်၊ နမ့်ခမ်းတောင်ကျေးရွာအနီး၊ တာချီလိတ်-ကျိုင်းတုံကားလမ်းပေါ်၌ ယာဉ်တိုက်မှုဖြစ်ပွားကြောင်း သတင်းအရ မိုင်းဖြတ်မြို့မရဲစခန်းမှ တပ်ဖွဲ့ဝင်များက သက်သေများနှင့်အတူ သွားရောက်စစ်ဆေးခဲ့ရာ တာချီလိတ်မြို့မှ ကျိုင်းတုံမြို့ဘက်သို့ ရှမ်းပြည်နယ်၊ ကျိုင်းတုံမြို့နေ ဦးမောင်အေး(၄၅)နှစ် မောင်းနှင် လာသည့် HONDA WAVE 125 ဆိုင်ကယ်နှင့် ကျိုင်းတုံမြို့မှ တာချီလိတ်မြို့ဘက်သို့ မန္တလေးတိုင်း ဒေသကြီး၊ မလှိုင်မြို့နယ်၊ ဒဟတ္တန်း(တောင်)ကျေးရွာနေ ဦးသိန်းသန်းဝင်း(၃၉)နှစ် မောင်းနှင်လာသည့် MDY-20/6P-XXXX NISSAN ၁၂ ဘီး မော်တော်ယာဉ်တို့သည် အခင်းဖြစ်နေရာအရောက်၌ အရှိန် မထိန်းနိုင်ဘဲ မျက်နှာချင်းဆိုင် ဝင်ရောက်တိုက်မိခဲ့သဖြင့်  ဦးမောင်အေးတွင် ထိခိုက်ဒဏ်ရာများရရှိကာ အခင်းဖြစ်နေရာ၌ သေဆုံးသွားခဲ့သောကြောင့် မောင်အေးနှင့် သိန်းသန်းဝင်းတို့ နှစ်ဦးအား မိုင်းဖြတ်မြို့မရဲစခန်း ယာဉ်(ပ)၂/၂၀၂၆၊ ရာဇသတ်ကြီးပုဒ်မ ၃၀၄-က/ ၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။