ပဲခူးတိုင်းဒေသကြီး၊ ပဲခူးမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦးနှင့် အမျိုးသမီး တစ်ဦး ထိခိုက်ဒဏ်ရာရရှိ

ပဲခူးတိုင်းဒေသကြီး၊ ပဲခူးမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦးနှင့် အမျိုးသမီး တစ်ဦး ထိခိုက်ဒဏ်ရာရရှိ

    ၂၀၂၆ ခုနှစ်၊ မေ ၂၆ ရက်က ပဲခူးတိုင်းဒေသကြီး၊ ပဲခူးမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦးနှင့် အမျိုးသမီး တစ်ဦး ထိခိုက်ဒဏ်ရာရရှိခဲ့ကြောင်း သိရသည်။

   ဖြစ်စဉ်မှာ မေ ၂၆ ရက် ည ၈ နာရီ ၄၅ မိနစ်တွင် ပဲခူးတိုင်းဒေသကြီး၊ ပဲခူးမြို့နယ်၊ ဟင်္သာကုန်းရပ်ကွက်၊ ပဲခူး-သနပ္ပင် ကားလမ်း၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၁၁)ယာဉ်ထိန်းရဲတပ်ဖွဲ့စု(ပဲခူး)မှ တပ်ဖွဲ့ဝင်များက သွားရောက်စစ်ဆေးခဲ့ရာ လိပ်ပြာကန်မှ ကမာနတ်ကျေးရွာဘက်သို့ ပဲခူးမြို့နယ်၊ ဗိုလ်ကုန်းရပ်ကွက်နေ ဦးကျော်မိုး(၄၂)နှစ် မောင်းနှင်လာသည့် ၆၀ယ/XXXXX HONDA WAVE မော်တော်ဆိုင်ကယ်သည် လားရာတူရှေ့မှ ဗိုလ်ကုန်း(၁၈)ရပ်ကွက်နေ ဦးအောင်အောင်(၄၆)နှစ် မောင်းနှင်ပြီး ဇနီးဖြစ်သူ ဒေါ်တင်တင်ဝင်း(၃၆)နှစ် လိုက်ပါလာသည့် BGO-XXXXX KENBO မော်တော်ဆိုင်ကယ်အား ဝင်ရောက်တိုက်မိခဲ့သဖြင့် ဦးကျော်မိုးနှင့် ဒေါ်တင်တင်ဝင်းတို့တွင် ထိခိုက်ဒဏ်ရာများ အသီးသီးရရှိခဲ့သောကြောင့် ကျော်မိုး အား ပဲခူးမြို့မရဲစခန်း ယာဉ်(ပ)၁၁/၂၀၂၆၊ ရာဇသတ်ကြီး ပုဒ်မ ၂၇၉/၃၃၇/၃၃၈ ဖြင့် အမှုဖွင့် အရေးယူထားကြောင်း သတင်းရရှိပါသည်။