ပဲခူးတိုင်းဒေသကြီး၊ ပဲခူးမြို့နယ်၊ ရန်ကုန်-မန္တလေးအမြန်လမ်းမကြီး၌ မော်တော်ယာဉ်နှင့် ဆိုင်ကယ် တိုက်မိခဲ့မှုကြောင့် အမျိုးသား သုံးဦး ထိခိုက်ဒဏ်ရာရရှိ

ပဲခူးတိုင်းဒေသကြီး၊ ပဲခူးမြို့နယ်၊ ရန်ကုန်-မန္တလေးအမြန်လမ်းမကြီး၌ မော်တော်ယာဉ်နှင့် ဆိုင်ကယ် တိုက်မိခဲ့မှုကြောင့် အမျိုးသား သုံးဦး ထိခိုက်ဒဏ်ရာရရှိ

     ၂၀၂၆ ခုနှစ်၊ မေ ၄ ရက်က ပဲခူးတိုင်းဒေသကြီး၊ ပဲခူးမြို့နယ်၊ ရန်ကုန်-မန္တလေးအမြန် လမ်းမကြီး၌ မော်တော်ယာဉ်နှင့် ဆိုင်ကယ် တိုက်မိခဲ့မှုကြောင့် အမျိုးသား သုံးဦး ထိခိုက်ဒဏ်ရာ ရရှိခဲ့ကြောင်း သိရသည်။

     ဖြစ်စဉ်မှာ မေ ၄ ရက် မွန်းလွဲ ၃ နာရီတွင် ပဲခူးတိုင်းဒေသကြီး၊ ပဲခူးမြို့နယ်၊ ရန်ကုန်-မန္တလေးအမြန်လမ်းမကြီး မိုင်တိုင်အမှတ် ၂၂ မိုင် ၀ ဖာလုံနှင့် ၁ ဖာလုံကြား၌ ယာဉ်တိုက်မှု ဖြစ်ပွားကြောင်း သတင်းအရ ဘောနတ်ကြီးအမြန်လမ်းမကြီးရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ နေပြည်တော်မှ ရန်ကုန်ဘက်သို့ ရန်ကုန်တိုင်းဒေသကြီး၊ အလုံမြို့နယ်၊ အောက်ကြည့်မြင်တိုင်လမ်းနေ ဦးထွန်းထွန်းဦး(၆၁)နှစ် မောင်းနှင်လာသည့် YGN-33/4S-XXXX FORD မော်တော်ယာဉ်သည် အခင်းဖြစ်နေရာအရောက်၌ လှည်းကူးမြို့နယ်၊ သပြေတောင်ရပ်ကွက်နေ ဟိန်းမင်းထက်(၁၄)နှစ် မောင်းနှင်ပြီး တစ်ရပ်ကွက်တည်းနေ မိုးထက်နိုင်(၁၆)နှစ်နှင့် ရှိုင်းခန့်အောင် (၁၅)နှစ်တို့ လိုက်ပါလာသည့် ဆိုင်ကယ်မှ လမ်းမပေါ်သို့ ဖြတ်ကူးစဉ် ဝင်ရောက်တိုက်မိခဲ့သဖြင့် ဟိန်းမင်းထက်၊ မိုးထက်နိုင်နှင့် ရှိုင်းခန့်အောင်တို့ သုံးဦးတွင် ထိခိုက်ဒဏ်ရာများ အသီးသီး ရရှိခဲ့ သောကြောင့် ဟိန်းမင်းထက် အား ဥပဒေနှင့်အညီ ဘောနတ်ကြီးအမြန်လမ်းမကြီးရဲစခန်း ယာဉ်(ပ) ၅/၂၀၂၆၊ ရာဇသတ်ကြီးပုဒ်မ ၃၃၈/ ၃၃၇/ ၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။