ရန်ကုန်တိုင်းဒေသကြီး၊ လှည်းကူးမြို့နယ်၊ ရန်ကုန်-မန္တလေးအမြန်လမ်းမကြီး၌ ယာဉ်တိုက်မှု ဖြစ်ပွား၍ အမျိုးသား နှစ်ဦး သေဆုံး

ရန်ကုန်တိုင်းဒေသကြီး၊ လှည်းကူးမြို့နယ်၊ ရန်ကုန်-မန္တလေးအမြန်လမ်းမကြီး၌ ယာဉ်တိုက်မှု ဖြစ်ပွား၍ အမျိုးသား နှစ်ဦး သေဆုံး

     ၂၀၂၆ ခုနှစ်၊ ဖေဖော်ဝါရီ ၄ ရက်က ရန်ကုန်တိုင်းဒေသကြီး၊ လှည်းကူးမြို့နယ်၊ ရန်ကုန်-မန္တလေးအမြန်လမ်းမကြီး၌ ယာဉ်တိုက်မှုဖြစ်ပွား၍ အမျိုးသား နှစ်ဦး သေဆုံးခဲ့ကြောင်း သိရသည်။

     ဖြစ်စဉ်မှာ ဖေဖော်ဝါရီ ၄ ရက် မွန်းလွဲ ၃ နာရီ ၄၅ မိနစ်တွင် ရန်ကုန်တိုင်းဒေသကြီး၊ လှည်းကူးမြို့နယ်၊ ရန်ကုန်-မန္တလေးအမြန်လမ်းမကြီးမိုင်တိုင်အမှတ် ၂၃ မိုင် ၄ ဖာ လုံနှင့် ၅ ဖာလုံကြား၌ ယာဉ်တိုက်မှုဖြစ်ပွားကြောင်း သတင်းအရ ဘောနတ်ကြီးအမြန်လမ်းမကြီးရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ ရန်ကုန်တိုင်းဒေ သကြီး၊ မြောက်ဥက္ကလာပမြို့နယ်၊ သီရိရတနာလက်ကားဈေးဝင်းနေ ပိုင်စေအောင်(၂၇)နှစ်သည် YGN-9/5H-XXXX LANDCRUISER မော်တော်ယာဉ်အား မန္တလေးမြို့မှ ရန်ကုန်မြို့ဘက်သို့ မောင်းနှင်လာစဉ် အခင်းဖြစ်နေရာအရောက်၌ လမ်းဖြတ်ကူးမောင်းနှင်သည့် လှည်းကူးမြို့နယ်၊ မင်းကုန်းကျေးရွာနေ ဦးသန်းကျော်(၅၁)နှစ် မောင်းနှင်ပြီး မောင်အောင်ထက်ကျော်(၁၅)နှစ် စီးနင်းလိုက်ပါလာသည့် ဆိုင်ကယ်အား ဝင်ရောက် တိုက်မိခဲ့သဖြင့် ဦးသန်းကျော်နှင့် မောင်အောင်ထက်ကျော်တို့ နှစ်ဦးတွင် ထိ ခိုက်ဒဏ်ရာများရရှိကာ သေဆုံးသွားခဲ့သောကြောင့် သန်းကျော် အား ဘောနတ်ကြီးအမြန်လမ်းမကြီးရဲစခန်း ယာဉ်(ပ)၂/၂၀၂၆၊  ရာဇသတ်ကြီးပုဒ်မ ၃၀၄-က ဖြင့် အမှုဖွင့်အရေးယူထားကြောင်း သတင်းရရှိပါသည်။