ရန်ကုန်တိုင်းဒေသကြီး၊ မင်္ဂလာဒုံမြို့နယ်၌ ငွေကျပ် သိန်း ၁,၇၀၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ

ရန်ကုန်တိုင်းဒေသကြီး၊ မင်္ဂလာဒုံမြို့နယ်၌ ငွေကျပ် သိန်း ၁,၇၀၀ တန်ဖိုးရှိ စိတ်ကြွရူးသွပ်ဆေးပြားများ ဖမ်းဆီးရမိ

     ၂၀၂၆ ခုနှစ်၊ မတ် ၇ ရက် မွန်းတည့် ၁၂ နာရီတွင် မူးယစ်ဆေးဝါးတားဆီးနှိမ်နင်းရေးရဲတပ်ဖွဲ့မှ တပ်ဖွဲ့ဝင်များပါဝင်သော ပူးပေါင်းအဖွဲ့သည် သတင်းအရ ရန်ကုန်တိုင်းဒေသကြီး၊ မင်္ဂလာဒုံမြို့နယ်၊ ချစ်တီးကုန်းရပ်ကွက်ရှိ ကားဂိတ်သို့ ပစ္စည်းလာရောက်ထုတ်ယူသည့် အင်းစိန်မြို့နယ်၊ ရွာမ(အရှေ့)ရပ်ကွက်နေ တင်ဝင်း(ခ)အာရာဖတ်(၃၄)နှစ်နှင့် တာမွေမြို့နယ်၊ တာမွေကြီး(က+ဂ)ရပ်ကွက်နေ စိုးနိုင်(ခ)ဆောလိမ်(၂၅)နှစ်တို့အား စစ်ဆေးရှာဖွေခဲ့ရာ ၎င်းတို့ ထုတ်ယူလာသည့် အဝါရောင်လေထိုးစက်အတွင်းမှ စိတ်ကြွရူးသွပ်ဆေးပြား ၁ ဒသမ ၇ သိန်း(တစ်ပြားလျှင် ငွေကျပ် ၁,၀၀၀ နှုန်းဖြင့် ၎င်းဒေသကာလတန်ဖိုး ငွေကျပ် သိန်း ၁,၇၀၀)အား ဖမ်းဆီးရမိသဖြင့် တင်ဝင်း(ခ)အာရာဖတ်နှင့် စိုးနိုင်(ခ)ဆောလိမ်တို့ နှစ်ဦးအား မူးယစ်ဆေးဝါးနှင့်စိတ်ကိုပြောင်းလဲစေသောဆေးဝါးများဆိုင်ရာဥပဒေအရ အမှုဖွင့်အရေးယူထားကြောင်း သတင်းရရှိပါသည်။