ရှမ်းပြည်နယ်၊ တောင်ကြီးမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံး

ရှမ်းပြည်နယ်၊ တောင်ကြီးမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံး

     ၂၀၂၆ ခုနှစ်၊ ဧပြီ ၁၂ ရက်က ရှမ်းပြည်နယ်၊ တောင်ကြီးမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးခဲ့ကြောင်း သိရသည်။
     ဖြစ်စဉ်မှာ ဧပြီ ၁၂ ရက် မွန်းလွဲ ၂ နာရီ ၄၅ မိနစ်တွင် ရှမ်းပြည်နယ်၊ တောင်ကြီးမြို့နယ်၊ ရွှေညောင်မြို့၊ မင်္ဂလာအောင်မြေရပ်ကွက်၊ ပြည်ထောင်စုလမ်းမကြီး မိုင်တိုင်အမှတ် ၁၀၃ မိုင် ၂ ဖာလုံနှင့် ၃ ဖာလုံကြား၌ ယာဉ်တိုက်မှုဖြစ်ပွားကြောင်း သတင်းအရ ယာဉ်ထိန်းရဲတပ်ဖွဲ့စိတ်(ရွှေညောင်)မှ တပ်ဖွဲ့ဝင်များက သွားရောက်စစ်ဆေးခဲ့ရာ မင်္ဂလာအောင်မြေရပ်ကွက်နေ ဝသုန်ထိုက်(၃၄)နှစ် မောင်းနှင်လာသည့် CANDA ဆိုင်ကယ်သည် အခင်းဖြစ်နေရာအရောက်၌ မျက်နှာချင်းဆိုင်မှ ရပ်စောက်မြို့နယ်၊ နောင်ဖန်ကျေးရွာနေ စိုင်းဇေယျာအောင်(၂၉)နှစ် မောင်းနှင်ပြီး မန္တလေးတိုင်းဒေသကြီး၊ ပုသိမ်ကြီးမြို့နေ ဦးဇော်နိုင်(၄၁)နှစ်နှင့် ရှမ်းပြည်နယ်၊ ရပ်စောက်မြို့နေ ဒေါ်သီတာဝင်း(၄၁)နှစ်တို့ လိုက်ပါလာသည့် SHN-23/4J-XXXX KING LONG မော်တော်ယာဉ်အား အရှိန်မထိန်းနိုင်ဘဲ ဝင်ရောက်တိုက်မိခဲ့သဖြင့် ဝသုန်ထိုက်တွင် ထိခိုက်ဒဏ်ရာများရရှိကာ သေဆုံးသွားခဲ့သောကြောင့် ဝသုန်ထိုက် အား ရွှေညောင်နယ်မြေရဲစခန်း ယာဉ်(ပ)၁၀/၂၀၂၆၊ ရာဇသတ်ကြီးပုဒ်မ ၃၀၄-က ဖြင့် အမှုဖွင့်အရေးယူထားကြောင်း သတင်းရရှိပါသည်။