ဧရာဝတီတိုင်းဒေသကြီး၊ ဖျာပုံမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံး

ဧရာဝတီတိုင်းဒေသကြီး၊ ဖျာပုံမြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံး

     ၂၀၂၆ ခုနှစ်၊ ဖေဖော်ဝါရီ ၁ ရက်က ဧရာဝတီတိုင်းဒေသကြီး၊ ဖျာပုံမြို့နယ်၌ ယာဉ်တိုက်မှု ဖြစ်ပွား၍ အမျိုးသား တစ်ဦး သေဆုံးခဲ့ကြောင်း သိရသည်။

     ဖြစ်စဉ်မှာ ဖေဖော်ဝါရီ ၁ ရက် မွန်းလွဲ ၃ နာရီ ၃၀ မိနစ်တွင် ဧရာဝတီတိုင်းဒေသကြီး၊ ဖျာပုံ မြို့နယ်၊ တမံကျေးရွာ၊ ဖျာပုံ-ဘိုကလေးသွားကားလမ်း မိုင်တိုင်အမှတ် ၄ မိုင် ၁ ဖာလုံအနီး၌ ယာဉ်တိုက်မှုဖြစ်ပွားကြောင်း သတင်းအရ ဖျာပုံမြို့မရဲစခန်းမှ တပ်ဖွဲ့ဝင်များက သွားရောက် စစ်ဆေးခဲ့ရာ ဖျာပုံမြို့နယ်၊ အမှတ်(၂)ရပ်ကွက်နေ ဦးတင်ဝင်း(၆၂)နှစ်သည် AYY-XXXX HONDA WAVE 100 ဆိုင်ကယ်အား ဖျာပုံမြို့မှ ဘိုကလေးမြို့ဘက်သို့ မောင်းနှင်လာစဉ် အခင်း ဖြစ်နေရာအရောက်၌ အရှိန်မထိန်းနိုင်ဘဲ တစ်ဖက်ယာဉ်ကြောသို့ ရောက်ရှိကာ မျက်နှာချင်းဆိုင်မှ ရန်ကုန်တိုင်းဒေသကြီး၊ တောင်ဒဂုံမြို့နယ်၊ အမှတ်(၇၁)ရပ်ကွက်နေ ဦးကျော်ကျော်ဝင်း(၆၀)နှစ် မောင်းနှင်လာသော YGN-22/9J-XXXX HYUNDAI COUNTY ခရီးသည်တင်မော်တော်ယာဉ်အား ဝင်ရောက်တိုက်မိခဲ့သဖြင့် ဦးတင်ဝင်းတွင် ထိခိုက်ဒဏ်ရာများရရှိကာ အခင်းဖြစ်နေရာ၌ သေဆုံးသွားခဲ့သဖြင့် တင်ဝင်း အား ဖျာပုံမြို့မရဲစခန်း ယာဉ်(ပ)၁/၂၀၂၆၊ ရာဇသတ်ကြီးပုဒ်မ ၃၀၄-က ဖြင့် အမှုဖွင့်အရေးယူထားကြောင်း သတင်းရရှိပါသည်။