သမဝါယမနှင့်စီမံခန့်ခွဲမှုပညာတက္ကသိုလ်(သန်လျင်) မဟာဘွဲ့သင်တန်းသားများအတွက် လျှောက်လွှာခေါ်ယူခြင်း
သမဝါယမနှင့်စီမံခန့်ခွဲမှုပညာတက္ကသိုလ်(သန်လျင်) မဟာဘွဲ့သင်တန်းသားများအတွက် လျှောက်လွှာခေါ်ယူခြင်း
Ministry of Cooperatives and Rural Development/ Naypyitaw / April 03, 2026
၁။ သမဝါယမနှင့်စီမံခန့်ခွဲမှုပညာတက္ကသိုလ်(သန်လျင်)၏ လူ့စွမ်းအားအရင်းအမြစ်ဖွံ့ဖြိုး တိုးတက်မှုအစီအစဉ်ဖြင့် ၂၀၂၆-၂၀၂၇ ပညာသင်နှစ်အတွက်ဖွင့်လှစ်မည့် အောက်ပါမဟာဘွဲ့ သင်တန်းများသို့ ဝင်ခွင့်လျှောက်ထားနိုင်ပါသည်။
(က) စွန့်ဦးတီထွင်မှုနှင့်စီးပွားရေးစီမံခန့်ခွဲမှုပညာမဟာဘွဲ့
(Master of Entrepreneurship and Business Management– MEBM)
(ခ) ပြည်သူ့ရေးရာစီမံခန့်ခွဲမှုပညာမဟာဘွဲ့
(Master of Public Administration – MPA)
(ဂ) အသုံးချသုတေသနပညာမဟာဘွဲ့
(Master of Applied Research – MAR)
၂။ အဆိုပါ မဟာဘွဲ့သင်တန်းများအတွက် အောက်ပါအရည်အချင်းများနှင့် ကိုက်ညီသူများ လျှောက်ထားနိုင်ပါသည်။
(က) အသိအမှတ်ပြုတက္ကသိုလ်တစ်ခုခုမှဘွဲ့ရရှိပြီးသူဖြစ်ရမည်။
(ခ) တက္ကသိုလ်တစ်ခုခုတွင် အခြားသင်တန်းတစ်ခုခု တစ်ပြိုင်တည်းတက်ရောက်နေသူ မဖြစ်စေရ။
(ဂ) သက်ဆိုင်ရာမဟာဘွဲ့သင်တန်းနှင့် ကိုက်ညီသည့်လုပ်ငန်းနယ်ပယ်အလိုက် အတွေ့ အကြုံရှိသူကို ဦးစားပေးပါမည်။
(ဃ) သက်ဆိုင်ရာသင်ရိုးနှင့်အညီသတ်မှတ်ထားသော အချိန်အတိုင်းပြည့်မီစွာတက်ရောက် နိုင်သူဖြစ်ရမည်။
(င) ဝန်ထမ်းဖြစ်ပါက သက်ဆိုင်ရာဌာနအကြီးအကဲ၏ သင်တန်းသို့တက်ရောက် ခွင့်ပြုကြောင်း ထောက်ခံစာပါရှိရမည်။
၃။ သင်တန်းနှင့်သက်ဆိုင်သော လျှောက်လွှာပုံစံများကို သက်ဆိုင်ရာတာဝန်ခံဌာနများတွင် Online (သို့မဟုတ်) သမဝါယမနှင့်စီမံခန့်ခွဲမှုပညာတက္ကသိုလ်(သန်လျင်) ၊ သင်တန်းရေးရာဌာနတွင် (၃-၄-၂၀၂၆) ရက် (သောကြာနေ့) မှ (၂-၅-၂၀၂၆) (စနေနေ့) ထိ သတ်မှတ်ရက်အတွင်း တင်သွင်း လျှောက်ထားနိုင်ပါသည်။
၄။ သင်တန်းဝင်ခွင့်ရေးဖြေစာမေးပွဲကို (၁၆-၅-၂၀၂၆) ရက် (စနေနေ့) တွင် သမဝါယမနှင့်စီမံခန့်ခွဲမှု ပညာတက္ကသိုလ်(သန်လျင်)၌ နံနက် ၉:၀၀နာရီမှ ၁၂:၀၀ နာရီ အထိ ဖြေဆိုရမည်ဖြစ်ပါသည်။
၅။ သင်တန်းအတွက်ဝင်ခွင့်ရေးဖြေစာမေးပွဲတွင် သတ်မှတ်အဆင့်မီသူများအား လူတွေ့စစ်ဆေး ရွေးချယ်သွားမည်ဖြစ်ပါသည်။
၆။ သင်တန်းကို အပတ်စဉ် စနေနေ့နှင့်တနင်္ဂနွေနေ့ နံနက် ၉:၀၀ နာရီမှ ညနေ ၅:၀၀ နာရီအထိ (Hybrid System) ဖြင့် Online နှင့် In Person တက်ရောက်ရမည်ဖြစ်ပြီး သင်တန်းကာလမှာ (၂) နှစ် ဖြစ်ပါသည်။
၇။ ပြည့်စုံစွာဖော်ပြမှုမရှိသော လျှောက်လွှာများ၊ ထောက်ခံချက်မပြည့်စုံသော လျှောက်လွှာ များကိုလက်ခံစဉ်းစားမည်မဟုတ်ပါ။
၈။ အသေးစိတ်သိရှိလိုပါက - (က) MEBM သင်တန်းအတွက် သမဝါယမပညာဌာန၊
ဆက်သွယ်ရန်ဖုန်းနံပါတ်နှင့် (ဖုန်း-၀၉၉၇၆၃၇၉၉၃၁၊၀၉၄၂၂၅၅၁၇၈၈)
အီးမေးလ်များ Email- docsem2023@gmail.com
(ခ) MPA သင်တန်းအတွက် ဘောဂဗေဒဌာန၊
(ဖုန်း-၀၉၅၀၈၁၆၃၂၊ ၀၉၄၄၂၀၇၆၄၆၅)
Email- economicsdept1132026@gmail.com
(ဂ) MAR သင်တန်းအတွက် စာရင်းအင်းပညာဌာန၊
(ဖုန်း-၀၉၇၈၅၅၈၇၉၄၇၊ ၀၉၉၇၉၂၅၇၆၉၇)
Email- statisticsucmtmar@gmail.com
(ဃ) သင်တန်းရေးရာဌာန
(၀၉၇၉၅၃၀၀၁၅၁)
Email- academicaffairsucmt@gmail.com