ကချင်ပြည်နယ်၊ မြစ်ကြီးနားခရိုင်၊ မြစ်ကြီးနားမြို့နယ်၊ အေးမြသာယာရပ်ကွက်၌ နေအိမ် မီးလောင်မှု

ကချင်ပြည်နယ်၊ မြစ်ကြီးနားခရိုင်၊ မြစ်ကြီးနားမြို့နယ်၊ အေးမြသာယာရပ်ကွက်၌ နေအိမ် မီးလောင်မှု

   ၂၀၂၅ ခုနှစ်၊ ဩဂုတ် ၂၆ ရက် နံနက် ၂ နာရီ ၄၀ မိနစ်ခန့်က ကချင်ပြည်နယ်၊ မြစ်ကြီးနားခရိုင်၊ မြစ်ကြီးနားမြို့နယ်၊ အေးမြသာယာရပ်ကွက်ရှိ ပိုင်ရှင် ဒေါ်ထုဆိုင်း ပိုင်ဆိုင်သော နေအိမ်တွင် အိမ်ငှား ဦးကျော်စွာမင်း(၅၆)နှစ်၏ ၃၀ x ၃၀ ပေ၊ သွပ်မိုး၊ အုတ်ညှပ် တစ်ထပ် နေအိမ်အတွင်းရှိ စားသောက်ကုန် ပစ္စည်းများ သိုလှောင်ထားသည့်နေရာ၌ လျှပ်စစ်မီးပလတ်ခုံ အပူလွန်ကဲပြီး အနီးရှိ ခေါက်ဆွဲဖာများသို့ မီးကူးစက်လောင်ကျွမ်းမှုဖြစ်ပွားကြောင်း သတင်းရရှိသဖြင့် ကချင်ပြည်နယ်မီးသတ်ဦးစီးမှူးရုံးနှင့် မြစ် ကြီးနားမြို့နယ်မီးသတ်စခန်းများမှ မီးသတ်တပ်ဖွဲ့ဝင်များသည် မီးသတ်ယာဉ် လေးစီးဖြင့် မီးငြှိမ်းသတ်ခဲ့ရာ နံနက် ၃ နာရီ ၂၀ မိနစ်တွင် မီးငြိမ်းခဲ့ပါသည်။

   အဆိုပါမီးလောင်မှုကြောင့် အိမ်ငှား ဦးကျော်စွာမင်းမှာ မီးလောင်သေဆုံးခဲ့ကြောင်း၊ ၃၀ x ၃၀ ပေ၊ သွပ်မိုး၊ အုတ်ညှပ် တစ်ထပ် နေအိမ် တစ်လုံး၊ စားသောက်ကုန်ပစ္စည်းများ မီးလောင်ဆုံးရှုံးခဲ့ကြောင်းနှင့် အိမ်ငှား ဦးကျော်စွာမင်း(သေဆုံး)အား မြစ်ကြီးနားနယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။