စစ်ကိုင်းတိုင်းဒေသကြီး၊ ဖောင်းပြင်မြို့နယ်၌ စက်လှေတိမ်းမှောက်ခဲ့မှုကြောင့် အမျိုးသမီး နှစ်ဦး သေဆုံးကာ နှစ်ဦး ထိခိုက်ဒဏ်ရာရရှိ
စစ်ကိုင်းတိုင်းဒေသကြီး၊ ဖောင်းပြင်မြို့နယ်၌ စက်လှေတိမ်းမှောက်ခဲ့မှုကြောင့် အမျိုးသမီး နှစ်ဦး သေဆုံးကာ နှစ်ဦး ထိခိုက်ဒဏ်ရာရရှိ
Ministry of Home Affairs/ နေပြည်တော် / March 16, 2026
၂၀၂၆ ခုနှစ်၊ မတ် ၁၄ ရက်က စစ်ကိုင်းတိုင်းဒေသကြီး၊ ဖောင်းပြင်မြို့နယ်၌ စက်လှေတိမ်းမှောက်မှုခဲ့မှုကြောင့် အမျိုးသမီး နှစ်ဦး သေဆုံးကာ နှစ်ဦး ထိခိုက်ဒဏ်ရာရရှိခဲ့ကြောင်း သိရသည်။
ဖြစ်စဉ်မှာ မတ် ၁၄ ရက် နံနက် ၁၁ နာရီ ၃၀ မိနစ်တွင် စစ်ကိုင်းတိုင်းဒေသကြီး၊ ဖောင်းပြင်မြို့နယ်၊ ချင်းတွင်းမြစ်အတွင်း၌ ကျွန်းရွှေဝါရပ်ကွက်နေ မြင့်လွင်ဦး(ခ)ရှမ်းကြီး(၅၈)နှစ် မောင်းနှင်သည့် စက်လှေသည် အမျိုးသမီး ခုနစ်ဦးအား တင်ဆောင်၍ ပိုးစားကုန်းကျေးရွာဘုရားပွဲသို့ သွားရောက်စဉ် ပိုးစာကုန်းကျေးရွာ ဘုန်းကြီး ကျောင်းဆိပ်အရောက်တွင် စက်လှေမှာ ရေဝင်၍ နစ်မြုပ်သွားခဲ့သဖြင့် စက်လှေပေါ်တွင် လိုက်ပါလာသည့် ပင်သာကျေးရွာနေ ဒေါ်နှင်းဇာလွင်(၃၅)နှစ်နှင့် တစ်ရွာတည်းနေ ဒေါ်စိန်လှ(၄၂)နှစ်တို့ သေဆုံးခဲ့ပြီး ဒေါ်ခင်စန်းတင့်(၄၄)နှစ်နှင့် ကျွန်းရွှေဝါရပ်ကွက်နေ ဒေါ်ခင်အေးရီ (၅၇)နှစ်တို့တွင် ထိခိုက်ဒဏ်ရာများ ရရှိခဲ့သောကြောင့် မြင့်လွင်ဦး(ခ)ရှမ်းကြီး အား ဖောင်းပြင်မြို့မရဲစခန်း (ပ)၁/၂၀၂၆၊ ရာဇသတ်ကြီးပုဒ်မ ၃၀၄-က/၃၃၇ ဖြင့် အမှုဖွင့်အရေးယူထားကြောင်း သတင်းရရှိပါသည်။