တိုက်ကြီးမြို့နယ်၌ ကျေးလက်ကွန်ကရစ်လမ်းသစ် ဖွင့်လှစ်

တိုက်ကြီးမြို့နယ်၌ ကျေးလက်ကွန်ကရစ်လမ်းသစ် ဖွင့်လှစ်

တိုက်ကြီး မတ် ၂၈

        (၇၉)နှစ်မြောက် တပ်မတော်နေ့ကို ဂုဏ်ပြုသောအားဖြင့် ကျေးလက်ကွန်ကရစ်လမ်းသစ်ဖွင့်ပွဲ အခမ်းအနားကို မတ် ၂၇ ရက်နံနက်ပိုင်းက ရန်ကုန်တိုင်းဒေသကြီး တိုက်ကြီးမြို့နယ် မလေးရှားဝိုင် ကျေးရွာအုပ်စု မေတ္တာအေးကျေးရွာလမ်း မုခ်ဦးရှေ့ မဏ္ဍပ်၌ ကျင်းပခဲ့သည်။

     ဦးစွာ ရန်ကုန်တိုင်းဒေသကြီး ကျေးလက်လမ်းဖွံ့ဖြိုးရေးဦးစီးဌာန ညွှန်ကြားရေးမှူး(မြို့ပြ) ဦးသက်ဇော်က စီမံကိန်းနှင့်ပတ်သက်၍ ရှင်းလင်းပြောကြားသည်။ ဆက်လက်၍ ၂၀၂၃-၂၀၂၄ ဘဏ္ဍာနှစ် တိုင်းဒေသကြီးအစိုးရ ဘဏ္ဍာရန်ပုံငွေဖြင့် အကောင်အထည်ဖော်ဆောင်ရွက်သည့် မေတ္တာအေးကျေးရွာအဝင် ကျေးလက်ကွန်ကရစ်လမ်းသစ်အား ရန်ကုန်တိုင်းဒေသကြီး သယံဇာတရေးရာဝန်ကြီးဦးဇော်ဝင်းနှင့် တာဝန်ရှိသူများက ဖဲကြိုးဖြတ်ဖွင့်လှစ်သည်။ ထို့နောက် ရန်ကုန်တိုင်းဒေသကြီး သယံဇာတရေးရာဝန်ကြီးနှင့် တာဝန်ရှိသူများက မေတ္တာအေးကျေးရွာအဝင် ကျေးလက်ကွန်ကရစ်လမ်းသစ်အား ကြည့်ရှုစစ်ဆေးသည်။

     မေတ္တာအေးကျေးရွာအဝင် ကျေးလက်ကွန်ကရစ်လမ်းသစ်သည် အရှည် ၀/ ၅ ဒသမ ၇၁ မိုင်၊ အကျယ် ၁၂ ပေ၊ ထု ခုနစ်လက်မရှိပြီး ၂၀၂၃-၂၀၂၄ ဘဏ္ဍာနှစ် ရန်ကုန်တိုင်းဒေသကြီးအစိုးရ ခွင့်ပြုရန်ပုံငွေ ကျပ် ၄၇၅ ဒသမ ၈၆၂ သန်းဖြင့် ဆောင်ရွက်ခဲ့ခြင်းဖြစ်သည်။

                                                                                       ဉာဏ်ဟိန်း