ဒုတိယဝန်ကြီး ဒေါ်နုမြဇံ ပြည်ထောင်စုနယ်မြေ တပ်ကုန်းမြို့နယ် တပ်ကုန်းစာဖြေဌာနတွင် စာမေးပွဲကြီးကြပ်ရေးဆရာတော်များနှင့် စာဖြေသံဃာ၊ သီလရှင်များအား ဖူးမြော်ကြည်ညို
ဒုတိယဝန်ကြီး ဒေါ်နုမြဇံ ပြည်ထောင်စုနယ်မြေ တပ်ကုန်းမြို့နယ် တပ်ကုန်းစာဖြေဌာနတွင် စာမေးပွဲကြီးကြပ်ရေးဆရာတော်များနှင့် စာဖြေသံဃာ၊ သီလရှင်များအား ဖူးမြော်ကြည်ညို
Ministry of Information/ Naypyitaw / April 02, 2024
နေပြည်တော် ဧပြီ ၁
သာသနာရေးနှင့် ယဉ်ကျေးမှုဝန်ကြီးဌာန ဒုတိယဝန်ကြီး ဒေါ်နုမြဇံသည် တာဝန်ရှိသူများနှင့်အတူ ယနေ့နံနက်ပိုင်းတွင် ပြည်ထောင်စုနယ်မြေ နေပြည်တော်တပ်ကုန်းမြို့နယ် တပ်ကုန်းစာဖြေဌာန အောင်ဆန်းခန်းမ၌ အစိုးရဓမ္မာစရိယစာမေးပွဲ ဖြေဆိုလျက်ရှိသော သံဃာတော်များနှင့် သီလရှင်များကို သွားရောက်ဖူးမြော်ကြည်ညိုသည်။
ဦးစွာ ဒုတိယဝန်ကြီးနှင့်အဖွဲ့သည် တပ်ကုန်းစာဖြေဌာနရှိ အစိုးရဓမ္မာစရိယ စာမေးပွဲကြီးကြပ်ရေး ဆရာတော်ကြီးများအား ဖူးမြော်ကြည်ညိုကာ စာဖြေဌာနအတွက် နဝကမ္မအလှူငွေ ကျပ်ငါးသိန်း ဆက်ကပ်လှူဒါန်းပြီး အစိုးရဓမ္မာစရိယစာမေးပွဲ ဖြေဆိုတော်မူကြသော သံဃာတော်များနှင့် သီလရှင်များအား လှည့်လည်ဖူးမြော်ကြည်ညိုသည်။
၂၀၂၄ ခုနှစ်၊ အစိုးရဓမ္မာစရိယစာမေးပွဲကို တပ်ကုန်းစာဖြေဌာန၌ မတ် ၂၈ ရက်မှစတင်၍ ကျင်းပဖြေဆိုလျက်ရှိရာ ယနေ့ဓမ္မသင်္ဂဏီပါဠိ အဋ္ဌကထာကျမ်း (ပထမနေ့) တွင် စာရင်းသွင်း ၈၉ ပါး၊ ဖြေဆို ၆၅ ပါးတို့ ဝင်ရောက်ဖြေဆိုတော်မူခဲ့ပြီး ရာခိုင်နှုန်းအားဖြင့် ၇၃ ဒသမ ၀၃ ရာခိုင်နှုန်း ဖြစ်ကြောင်း သိရသည်။
သတင်းစဉ်