ဒုတိယဝန်ကြီး ဦးသိုက်စိုး နေပြည်တော်ကောင်စီနယ်မြေအတွင်း သမဝါယမစနစ် ဟင်းသီးဟင်းရွက်များ စိုက်ပျိုးထုတ်လုပ်ရေး ကွင်းဆင်းဆောင်ရွက်

ဒုတိယဝန်ကြီး ဦးသိုက်စိုး နေပြည်တော်ကောင်စီနယ်မြေအတွင်း သမဝါယမစနစ် ဟင်းသီးဟင်းရွက်များ စိုက်ပျိုးထုတ်လုပ်ရေး ကွင်းဆင်းဆောင်ရွက်

နေပြည်တော် မေ ၂၇

သမဝါယမနှင့်ကျေးလက်ဖွံ့ဖြိုးရေးဝန်ကြီးဌာန ဒုတိယဝန်ကြီး ဦးသိုက်စိုးသည် ယနေ့နံနက်ပိုင်းက ပျဉ်းမနားမြို့နယ် သမဝါယမ အသင်းစု၏ သူဌေးကုန်းကျေးရွာ စိုက်ပျိုးမွေးမြူရေးခြံ၌ ဌာနဆိုင်ရာတာဝန်ရှိသူများ၊ Myanmar Agri Food ကုမ္ပဏီမှ တာဝန်ရှိသူများနှင့် တွေ့ဆုံပြီး စိုက်ပျိုးထုတ်လုပ်ရန် လိုအပ်သည့်မြေနေရာရရှိရေး၊ သတ်မှတ်သီးနှံအလိုက် စိုက်နည်းစနစ်များနှင့်အညီ စိုက်ပျိုးထုတ်လုပ်နိုင်ရေးတို့နှင့်စပ်လျဉ်း၍ မှာကြားသည်။

ထို့နောက် ဇေယျာသီရိမြို့နယ် မအူတောကျေးရွာအုပ်စု စိမ်းစားပင်ကျေးရွာ၌ အဆင့်မြင့်လယ်ယာ ကုန်ထုတ်လမ်း သုံးလမ်းအရှည် ပေ ၇၀၈၀ ဖောက်လုပ်ပေးမည့်နေရာနှင့် နွေစပါးစိုက်တောင်သူများ၏ ရိတ်သိမ်းခြွေလှေ့နေမှုကို ကြည့်ရှုသည်။

ယင်းနောက် ပုဗ္ဗသီရိမြို့နယ် အေးမြင့်သာယာကျေးရွာ သမဝါယမဦးစီးဌာန၏ နိုင်ငံ့စီးပွားမြှင့်တင်ရေး ရန်ပုံငွေ၊ သက်တန့်ရောင် စီမံကိန်းရန်ပုံငွေတို့ဖြင့် မိုးစပါးစိုက်ပျိုးမည့် သမဝါယမအသင်းများသို့ မျိုးနှင့်သွင်းအားစုပေးအပ်ပွဲသို့ တက်ရောက်အမှာစကားပြောကြားပြီး မြို့နယ်အတွင်းရှိ စိုက်ပျိုးထုတ်လုပ်ရေးသမဝါယမအသင်း ၁၈ သင်း၏ စိုက်ပျိုးမြေ ၅၈၁ ဧကအတွက် မျိုးနှင့် သွင်းအားစုများ ပေးအပ်သည်။

သတင်းစဉ်