ပဲခူးတိုင်းဒေသကြီး၊ အုတ်တွင်းမြို့နယ်၌ ယာဉ်တိုက်မှုဖြစ်ပွား၍ အမျိုးသမီး တစ်ဦး သေဆုံးပြီး အမျိုးသား တစ်ဦး ဒဏ်ရာရရှိ

ပဲခူးတိုင်းဒေသကြီး၊ အုတ်တွင်းမြို့နယ်၌ ယာဉ်တိုက်မှုဖြစ်ပွား၍ အမျိုးသမီး တစ်ဦး သေဆုံးပြီး အမျိုးသား တစ်ဦး ဒဏ်ရာရရှိ

     ပဲခူးတိုင်းဒေသကြီး၊ အုတ်တွင်းမြို့နယ်၌ ဒီဇင်ဘာ ၂၂ ရက်က ယာဉ်တိုက်မှု ဖြစ်ပွား၍ အမျိုးသမီး တစ်ဦးသေဆုံးပြီး အမျိုးသား တစ်ဦး ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ ဒီဇင်ဘာ ၂၂ ရက် မွန်းလွဲ ၁၂ နာရီ ၃၀ မိနစ်တွင် အုတ်တွင်းမြို့နယ်၊ ရန်ကုန်-မန္တလေးလမ်းဟောင်း မိုင်တိုင်အမှတ် ၁၃၇ မိုင် ၀ ဖာလုံအနီး ယာဉ်တိုက်မှုဖြစ် ပွားကြောင်း သတင်းအရ ညောင်ခြေထောက်နယ်မြေရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ တောင်ငူမြို့မှ ဖြူးမြို့ဘက်သို့ လှည်းကူးမြို့နယ်၊ အောင်မင်္ဂ လာရပ်ကွက်နေ အောင်အောင်ထွန်း(၄၃)နှစ် မောင်းနှင် လာသည့် ယာယီ/XXXX FAW အဖြူရောင် ၂၂ ဘီး မော်တော်ယာဉ်သည် အခင်းဖြစ်နေရာအရောက် အရှိန်မထိန်းနိုင်ဘဲ လမ်းယာဘက်ဘေးရှိ ဓာတ်တိုင်အား ဝင်ရောက်တိုက်ပြီး လမ်းဘေးတွင် ၇၇ယ/ XXXX CANDA WAVE-125 အနက်ရောင်ဆိုင်ကယ်ဖြင့် ဈေးရောင်းချနေသူ အုတ်တွင်းမြို့နယ်၊ သာဂရကျေးရွာနေ ဦးအေးမင်း(၅၇)နှစ်နှင့် ဈေးဝယ်နေသည့် ဘုရားနှစ်ဆူကျေးရွာနေ ဒေါ်နွဲ့ရီ(၄၆)နှစ် တို့ နှစ်ဦးအား ထပ်မံတိုက်မိခဲ့သဖြင့် ဒေါ်နွဲ့ရီတွင် ဒဏ်ရာများရရှိကာ အခင်းဖြစ်နေရာ၌ သေဆုံးသွားခဲ့ပြီး ဦးအေးမင်းတွင် ဒဏ်ရာများ ရရှိခဲ့သောကြောင့် အောင်အောင်ထွန်းအား ညောင်ခြေထောက်နယ်မြေ ရဲစခန်း ယာဉ် (ပ)၃/၂၀၂၅၊ ရာဇသတ်ကြီးပုဒ်မ ၃၀၄-က/၃၃၈/၂၇၉ ဖြင့် အမှုဖွင့် အရေးယူထားကြောင်း သတင်းရရှိသည်။