ပဲခူးတိုင်းဒေသကြီး၊ ပြည်မြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးကာ တစ်ဦး ထိခိုက်ဒဏ်ရာရရှိ

ပဲခူးတိုင်းဒေသကြီး၊ ပြည်မြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးကာ တစ်ဦး ထိခိုက်ဒဏ်ရာရရှိ

     ၂၀၂၆ ခုနှစ်၊ ဧပြီ ၄ ရက်က ပဲခူးတိုင်းဒေသကြီး၊ ပြည်မြို့နယ်၌ ယာဉ်တိုက်မှုဖြစ်ပွား၍ အမျိုးသား တစ်ဦး သေဆုံးကာ အမျိုးသား တစ်ဦး ထိခိုက်ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ ဧပြီ ၄ ရက် မွန်းလွဲ ၂ နာရီတွင် ပဲခူးတိုင်းဒေသကြီး၊ ပြည်မြို့နယ်၊ မြို့သစ်ရပ်ကွက်၊ ဘုရင့်နောင်လမ်းမကြီးပေါ်၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၁၃)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များက သွားရောက်စစ်ဆေးခဲ့ရာ မြို့သစ်ရပ်ကွက်မှ ဘုရင့်နောင်လမ်းမကြီးဘက်သို့ မြို့သစ်ရပ်ကွက်နေ နိုင်မင်းထက် (၄၀)နှစ် မောင်းနှင်လာသည့် YGN-12/3C-XXXX NISSAN CONDOR မော်တော်ယာဉ်သည် အခင်းဖြစ်နေရာအရောက်၌ နိဗ္ဗိန္ဒလမ်းဆုံမှ ကားကြီးဝင်းဘက်သို့ မြို့သစ်ရပ်ကွက်နေ ထွန်းမင်းနိုင်(၁၅)နှစ် မောင်းနှင်ပြီး တစ်ရပ်ကွက်တည်းနေ ဝီလျှံအောင်(၁၆)နှစ် လိုက်ပါလာသည့် ဆိုင်ကယ်အား ဝင်ရောက်တိုက်မိခဲ့သဖြင့် ထွန်းမင်းနိုင်တွင် ထိခိုက်ဒဏ်ရာများရရှိကာ အခင်းဖြစ်နေရာ၌ သေဆုံးသွားခဲ့ပြီး ဝီလျှံအောင်တွင် ထိခိုက်ဒဏ်ရာများ ရရှိခဲ့သောကြောင့် နိုင်မင်းထက် အား ပြည်မြို့မရဲစခန်း ယာဉ် (ပ)၆/၂၀၂၆၊ ရာဇသတ်ကြီးပုဒ်မ ၃၀၄-က/၃၃၈/၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။