ပဲခူးတိုင်းဒေသကြီး၊ တောင်ငူမြို့နယ်၌ ယာဉ်တိုက်မှုဖြစ်ပွား၍ အမျိုးသမီး တစ်ဦး သေဆုံး

ပဲခူးတိုင်းဒေသကြီး၊ တောင်ငူမြို့နယ်၌ ယာဉ်တိုက်မှုဖြစ်ပွား၍ အမျိုးသမီး တစ်ဦး သေဆုံး

     ၂၀၂၆ ခုနှစ်၊ မေ ၂၈ ရက်က ပဲခူးတိုင်းဒေသကြီး၊ တောင်ငူမြို့နယ်၌ ယာဉ်တိုက်မှုဖြစ်ပွား၍ အမျိုးသမီး တစ်ဦး သေဆုံးခဲ့ကြောင်း သိရသည်။

     ဖြစ်စဉ်မှာ မေ ၂၈ ရက် နံနက် ၁၁ နာရီ ၅၅ မိနစ်တွင် ပဲခူးတိုင်းဒေသကြီး၊ တောင်ငူမြို့နယ်၊ အမှတ်(၁၉)ရပ်ကွက်၊ MCB ဘဏ်ရှေ့၊ ရန်ကုန်-မန္တလေးကားလမ်းမပေါ်၌ ယာဉ်တိုက်မှု ဖြစ်ပွားကြောင်း သတင်းအရ အမှတ်(၁၂)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များပါဝင်သော ပူးပေါင်းအဖွဲ့က သွားရောက်စစ်ဆေးခဲ့ရာ အဆိုပါလမ်းအတိုင်း မြောက်မှတောင်သို့ အုတ်တွင်းမြို့နယ်၊ ရေဖြူကင်း ကျေးရွာနေ ဒေါ်ဝင်းဝင်းခိုင်(၄၆)နှစ် မောင်းနှင်လာသည့် ဆိုင်ကယ်အား လားရာတူနောက်မှ မန္တလေးတိုင်းဒေသကြီး၊ ချမ်းအေးသာစံမြို့နယ်နေ ဦးဝင်းအောင်(၅၅)နှစ် မောင်းနှင်လာသော MDY-25/1F-XXXX HINO ၁၂ ဘီး မော်တော်ယာဉ်မှ ကျော်တက်မောင်းနှင်စဉ် ဆိုင်ကယ်ဝဲဘက် လက်ကိုင်အား ချိတ်မိ၍ ယာဉ်နောက်ဘီးဖြင့် ကြိတ်မိခဲ့သဖြင့် ဒေါ်ဝင်းဝင်းခိုင်တွင် ထိခိုက်ဒဏ်ရာ များရရှိကာ အခင်းဖြစ်နေရာ၌ သေဆုံးသွားခဲ့သောကြောင့် ဝင်းအောင် အား တောင်ငူမြို့မရဲစခန်း ယာဉ်(ပ)၉/၂၀၂၆၊ ရာဇသတ်ကြီးပုဒ်မ ၃၀၄-က/၂၇၉ ဖြင့် အမှုဖွင့်အရေးယူထားကြောင်း သတင်းရရှိ ပါသည်။