မန္တလေးတိုင်းဒေသကြီး၊ မဟာအောင်မြေမြို့နယ်၊ မဟာမြိုင်(၁)ရပ်ကွက်၌ အဆောက်အအုံ မီးလောင်မှု

မန္တလေးတိုင်းဒေသကြီး၊ မဟာအောင်မြေမြို့နယ်၊ မဟာမြိုင်(၁)ရပ်ကွက်၌ အဆောက်အအုံ မီးလောင်မှု

     ၂၀၂၆ ခုနှစ်၊ ဖေဖော်ဝါရီ ၁၇ ရက် နံနက် ၅ နာရီ ၂၀ မိနစ်ခန့်က မန္တလေးတိုင်းဒေသကြီး၊ မဟာအောင်မြေမြို့နယ်၊ မဟာမြိုင်(၁)ရပ်ကွက်၌ ပိုင်ရှင် ဒေါ်အေးမုန်(၆၀)နှစ်၏ ၃၂ x ၅၀ ပေ၊ RC သုံးထပ် “ရွှေရည်” ပိုက်ဆက်ပစ္စည်းနှင့် ကြက်ခြံသုံးပစ္စည်းများရောင်းဝယ်ရေး အဆောက်အအုံ အောက်ထပ်တွင် တပ်ဆင်ထားသော ဆိုလာအင်ဗာတာအား အားသွင်းထားရာမှ အပူလွန်ကဲပြီး အောက်ခြေရှိ ပလတ်စတစ်နေကာလိပ်များအား မီးကူးစက်လောင်ကျွမ်းမှုဖြစ်ပွားကြောင်း သတင်း ရရှိသဖြင့် မန္တလေးတိုင်းဒေသကြီးအတွင်းရှိ မီးသတ်စခန်းများမှ မီးသတ်တပ်ဖွဲ့ဝင်များသည် မီးသတ်ယာဉ် ၁၈ စီးဖြင့် မီးငြှိမ်းသတ်ခဲ့ရာ နံနက် ၆ နာရီ ၁၅ မိနစ်တွင် မီးငြိမ်းခဲ့ပါသည်။

     အဆိုပါမီးလောင်မှုကြောင့် ၃၂ x ၅၀ပေ၊ RC သုံးထပ် အဆောက်အအုံ တစ်လုံး၊ နေကာလိပ်များ၊ မိုးကာလိပ်များ၊ TOYOTA LANDCRUISER PRADO မော်တော်ယာဉ် တစ်စီး မီးလောင်ဆုံးရှုံး ခဲ့ကြောင်းနှင့် အိမ်ငှား ဦးဖြိုးမင်းခန့် အား အမှတ်(၉)မြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။