မန္တလေးတိုင်းဒေသကြီး၊ သာစည်မြို့နယ်၌ ယာဉ်တိုက်မှုဖြစ်ပွား၍ အမျိုးသမီး တစ်ဦး သေဆုံးကာ အမျိုးသား တစ်ဦးနှင့် ကလေးငယ် တစ်ဦး ထိခိုက်ဒဏ်ရာရရှိ

မန္တလေးတိုင်းဒေသကြီး၊ သာစည်မြို့နယ်၌ ယာဉ်တိုက်မှုဖြစ်ပွား၍ အမျိုးသမီး တစ်ဦး သေဆုံးကာ အမျိုးသား တစ်ဦးနှင့် ကလေးငယ် တစ်ဦး ထိခိုက်ဒဏ်ရာရရှိ

     ၂၀၂၆ ခုနှစ်၊ မတ် ၁၄ ရက်က မန္တလေးတိုင်းဒေသကြီး၊ သာစည်မြို့နယ်၌ ယာဉ်တိုက်မှုဖြစ်ပွား၍ အမျိုးသမီး တစ်ဦး သေဆုံးကာ အမျိုးသား တစ်ဦးနှင့် ကလေးငယ် တစ်ဦး ထိခိုက်ဒဏ်ရာ ရရှိခဲ့ကြောင်း သိရသည်။

     ဖြစ်စဉ်မှာ မတ် ၁၄ ရက် နံနက် ၇ နာရီ ၃၀ မိနစ်တွင် မန္တလေးတိုင်းဒေသကြီး၊ သာစည်မြို့နယ်၊ မိတ္ထီလာ-တောင်ကြီးသွားကားလမ်း မိုင်တိုင်အမှတ် ၃၅ မိုင်နှင့် ၁ ဖာလုံကြား၌ ယာဉ်တိုက်မှုဖြစ်ပွားကြောင်း သတင်းအရ ယင်းမာပင်နယ်မြေရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ သာစည်မြို့နယ်၊ ပေသုံးဆယ်ရပ်ကွက်နေ ကိုကျော်ရှိန်း(၂၇)နှစ်မောင်းနှင်ပြီး ဇနီးဖြစ်သူ မရတနာစိုး (၂၃)နှစ်နှင့် သားဖြစ်သူ မောင်ရှိုင်းထက်ကို(၅)နှစ်တို့ လိုက်ပါလာသည့် SHAYAN-125 ဆိုင်ကယ်သည် ညောင်ပင်သာ(တောင်)ရပ်ကွက်မှ ပေသုံးဆယ်ရပ်ကွက်ဘက်သို့ ပြန်လာစဉ် အခင်းဖြစ်နေရာအရောက်၌ ၎င်း၏အနောက်မှ တစ်ရပ်ကွက်တည်းနေ ကိုထွေး(ခ)မင်းအောင်(ခ)ရှိုင်းလင်းအောင်(၂၄)နှစ် မောင်းနှင်လာသည့် နံပါတ်မပါ FAW မော်တော်ယာဉ်မှ ဝင်ရောက်တိုက်မိခဲ့သဖြင့် မရတနာစိုးတွင် ထိခိုက်ဒဏ်ရာများရရှိကာ အခင်းဖြစ်နေရာ၌ သေဆုံးသွားခဲ့ပြီး ကိုကျော်ရှိန်းနှင့် မောင်ရှိုင်းထက်ကိုတို့တွင် ထိခိုက်ဒဏ်ရာများ ရရှိခဲ့သောကြောင့် ကိုထွေး(ခ)မင်းအောင်(ခ)ရှိုင်းလင်းအောင် အား ယင်းမာပင်နယ်မြေရဲစခန်း ယာဉ်(ပ)၄/၂၀၂၆၊ ရာဇသတ်ကြီးပုဒ်မ ၃၀၄-က/၃၃၇ ဖြင့် အမှုဖွင့်အရေးယူထားကြောင်း သတင်းရရှိပါသည်။