မန္တလေးတိုင်းဒေသကြီး၊ အောင်မြေသာစံမြို့နယ်၊ ညောင်ကွဲရပ်ကွက်၌ နေအိမ် မီးလောင်မှု

မန္တလေးတိုင်းဒေသကြီး၊ အောင်မြေသာစံမြို့နယ်၊ ညောင်ကွဲရပ်ကွက်၌ နေအိမ် မီးလောင်မှု

     ၂၀၂၆ ခုနှစ်၊ ဧပြီ ၂ ရက် နံနက် ၉ နာရီ ၃၃ မိနစ်ခန့်က မန္တလေးတိုင်းဒေသကြီး၊ အောင်မြေသာစံမြို့နယ်၊ ညောင်ကွဲရပ်ကွက်၌ ပိုင်ရှင် ဒေါ်မြင့်ဆွေ(၆၀)နှစ် ပိုင်ဆိုင်သော ၁၂ x ၁၄ ပေ၊ သွပ်မိုး၊ ထရံကာ၊ ပျဉ်ခင်း နှစ်ထပ်နေအိမ်တွင် အိမ်ငှားဖြစ်သူ ဦးသိန်းသန်းတိုး(ခ)ဦးငယ်လေး(၄၁)နှစ်သည် ပန်ကာဖွင့်ထားရာမှတစ်ဆင့် ပန်ကာကွိုင်အပူလွန်ကဲပြီး မီးစတင်လောင်ကျွမ်းမှုဖြစ်ပွားကြောင်း သတင်းရရှိသဖြင့် မန္တလေးခရိုင်မီးသတ်ဦးစီးမှူးရုံးနှင့် အောင်မြေသာစံမြို့နယ်မီးသတ်စခန်းများမှ မီးသတ်တပ်ဖွဲ့ဝင်များသည် မီးသတ်ယာဉ် ငါးစီးဖြင့် မီးငြှိမ်းသတ်ခဲ့ရာ နံနက် ၉ နာရီ ၄၃ မိနစ်တွင် မီးငြိမ်းခဲ့ပါသည်။

     အဆိုပါမီးလောင်မှုကြောင့် ၁၂ x ၁၄ ပေ၊ သွပ်မိုး၊ ထရံကာ၊ ပျဉ်ခင်း နှစ်ထပ် နေအိမ် တစ်လုံး မီးလောင်ဆုံးရှုံးခဲ့ကြောင်းနှင့် အိမ်ငှားဖြစ်သူ ဦးသိန်းသန်းတိုး(ခ)ဦးငယ်လေး အား အောင်မြေသာစံမြို့နယ်၊ အမှတ်(၄)နယ်မြေရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။