မန္တလေးတိုင်းဒေသကြီး၊ ပြင်ဦးလွင်မြို့နယ်၌ မော်တော်ယာဉ်နှင့် ဆိုင်ကယ်တို့ မျက်နှာချင်းဆိုင် တိုက်မိခဲ့မှုကြောင့် အမျိုးသား တစ်ဦးနှင့် အမျိုးသမီး တစ်ဦး သေဆုံးကာ အမျိုးသမီး တစ်ဦး ထိခိုက်ဒဏ်ရာရရှိ

မန္တလေးတိုင်းဒေသကြီး၊ ပြင်ဦးလွင်မြို့နယ်၌ မော်တော်ယာဉ်နှင့် ဆိုင်ကယ်တို့ မျက်နှာချင်းဆိုင် တိုက်မိခဲ့မှုကြောင့် အမျိုးသား တစ်ဦးနှင့် အမျိုးသမီး တစ်ဦး သေဆုံးကာ အမျိုးသမီး တစ်ဦး ထိခိုက်ဒဏ်ရာရရှိ

     ၂၀၂၆ ခုနှစ်၊ ဧပြီ ၁ ရက်က မန္တလေးတိုင်းဒေသကြီး၊ ပြင်ဦးလွင်မြို့နယ်၌ မော်တော်ယာဉ်နှင့် ဆိုင်ကယ်တို့ မျက်နှာချင်းဆိုင် တိုက်မိခဲ့မှုကြောင့် အမျိုးသား တစ်ဦးနှင့် အမျိုးသမီး တစ်ဦး သေဆုံးကာ အမျိုးသမီး တစ်ဦး ထိခိုက်ဒဏ်ရာရရှိခဲ့ကြောင်း သိရသည်။ 

     ဖြစ်စဉ်မှာ ဧပြီ ၁ ရက် နံနက် ၁၀ နာရီ ၃၀ မိနစ်တွင် မန္တလေးတိုင်းဒေသကြီး၊ ပြင်ဦးလွင်မြို့နယ်၊ ရပ်ကွက်ကြီး(၇)၊ ခရစ်ယာန်သုသာန်အနီးတွင် ယာဉ်တိုက်မှုဖြစ်ပွားကြောင်း သတင်းအရ ပြင်ဦးလွင်မြို့မရဲစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ မိုးကုတ်-ပြင်ဦးလွင်ကားလမ်းအတိုင်း မိုးကြိုးကျေးရွာမှ ပြင်ဦးလွင်မြို့ဘက်သို့ မန္တလေးတိုင်းဒေသကြီး၊ အောင်မြေသာစံမြို့နယ်၊ သီရိမာလာအရှေ့ရပ်ကွက်နေ ဦးကျော်ဇင်မြတ်(ခ)ဖက်တီး(၄၈)နှစ် မောင်းနှင်လာသည့် MDY-18/ 7J-XXXX SUZUKI CARRY မော်တော်ယာဉ်သည် အခင်းဖြစ်နေရာအရောက်၌ မျက်နှာချင်းဆိုင်ဘက်မှ ပြင်ဦးလွင်မြို့နယ်၊ ကျွဲနွားထောက်ကျေးရွာနေ ကိုသီဟ(၂၉)နှစ် မောင်းနှင်ပြီး မိခင်ဖြစ်သူ ဒေါ်စန်းရင်(၅၂)နှစ်နှင့် ညီမဖြစ်သူ မသီတာစိုး(၁၂)နှစ်တို့ လိုက်ပါလာသည့် ၂၃ယ-XXXX FEILING 110 ဆိုင်ကယ်နှင့် မျက်နှာချင်းဆိုင် တိုက်မိခဲ့သဖြင့် သီဟနှင့် ဒေါ်စန်းရင်တို့တွင် ထိခိုက်ဒဏ်ရာများ ရရှိကာ အခင်းဖြစ်နေရာ၌ သေဆုံးသွားခဲ့ပြီး မသီတာစိုးတွင် ထိခိုက်ဒဏ်ရာများ ရရှိခဲ့သောကြောင့် ကျော်ဇင်မြတ်(ခ)ဖက်တီးနှင့် သီဟတို့ နှစ်ဦးအား ပြင်ဦးလွင်မြို့မရဲစခန်း ယာဉ်(ပ)၁၀/၂၀၂၆၊ ရာဇသတ်ကြီးပုဒ်မ ၃၀၄-က/၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။