မန္တလေးတိုင်းဒေသကြီး၊ ချမ်းမြသာစည်မြို့နယ်နှင့် ရန်ကုန်တိုင်းဒေသကြီး၊ မှော်ဘီမြို့နယ်တို့၌ ဒီဇယ်ဆီများ တရားမဝင် သယ်ဆောင်လာသူများအား ဖမ်းဆီးအရေးယူ

မန္တလေးတိုင်းဒေသကြီး၊ ချမ်းမြသာစည်မြို့နယ်နှင့် ရန်ကုန်တိုင်းဒေသကြီး၊ မှော်ဘီမြို့နယ်တို့၌ ဒီဇယ်ဆီများ တရားမဝင် သယ်ဆောင်လာသူများအား ဖမ်းဆီးအရေးယူ

     ၂၀၂၅ ခုနှစ်၊ ဇွန် ၂၈ ရက်က မန္တလေးတိုင်းဒေသကြီး၊ ချမ်းမြသာစည်မြို့နယ်နှင့် ရန်ကုန်တိုင်းဒေသကြီး၊ မှော်ဘီမြို့နယ်တို့၌ ဒီဇယ်ဆီများ တရားမဝင် သယ်ဆောင်လာသူများအား ဖမ်းဆီးအရေးယူထားကြောင်း သိရသည်။

     ဖြစ်စဉ်မှာ ဇွန် ၂၈ ရက် နံနက် ၅ နာရီ ၃၀ မိနစ်တွင် မန္တလေးတိုင်းဒေသကြီး၊ ချမ်းမြသာစည်မြို့နယ်၊ ချမ်းမြသာစည်မြို့မရဲစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့က သံလျက်မှော်တောင်ရပ်ကွက် ကန်တော်ကြီးပတ်လမ်း၌ ယာဉ်စစ်ဆေးခြင်းများ ဆောင်ရွက်နေစဉ် မြို့တွင်းဘက်မှ စစ်ကိုင်းမြို့ဘက်သို့ ချမ်းအေးသာစံမြို့နယ်၊ ပြည်ကြီးမျက်ရှင်ရပ်ကွက်နေ ချမ်းငြိမ်းကို(ခ)ကိုချစ် (၄၀)နှစ် မောင်းနှင်သည့် MDY-14/8L-XXXX HIJET မော်တော်ယာဉ်အား ရပ်တန့်စစ်ဆေးခဲ့ရာ ပလတ် စတစ်ပုံးများဖြင့် ထည့်ထားသည့် ပရီမီယမ်ဒီဇယ် ၃၄၀ ဂါလန်ခန့်အား အထောက်အထားမဲ့ တရားမဝင် သယ်ဆောင်လာသည်ကို စစ်ဆေးတွေ့ရှိရသဖြင့် ချမ်းငြိမ်းကို(ခ)ကိုချစ် အား ချမ်းမြသာစည်မြို့မရဲစခန်း၌လည်းကောင်း။ 

     အလားတူ ဇွန် ၂၈ ရက် ညနေ ၆ နာရီ ၃၀ မိနစ်တွင် ရန်ကုန်တိုင်းဒေသကြီး၊ မှော်ဘီမြို့နယ်၊ မြောင်းတကာရဲကင်းစခန်းမှ တပ်ဖွဲ့ဝင်များပါဝင်သော ပူးပေါင်းအဖွဲ့က နယ်မြေလှည့်ကင်း ဆောင်ရွက်နေစဉ် မှော်ဘီမြို့နယ်၊ မြောင်းတကာစက်မှုဇုန်၊ စက်မှု(၁)လမ်းအရောက်၌ ဆီဘောက်ဆာမော်တော်ယာဉ် နှစ်စီး ရပ်တန့်ထားသည်ကို တွေ့ရှိရသဖြင့် သွားရောက်စစ်ဆေးခဲ့ရာ မှော်ဘီမြို့နယ်၊ လိပ္ပုတ်ကျေးရွာနေ စိုးကို(၃၀)နှစ် မောင်းနှင်လာသည့် BGO-11/5R-XXXX FOTON ဆီဘောက်ဆာ မော်တော် ယာဉ်ပေါ်မှ ဒီဇယ်ဆီ ၅၀၀၀ လီတာနှင့် မင်္ဂလာဒုံမြို့နယ်၊ ကြူစမ်းကျေးရွာနေ စိုင်းမင်းသူ(၃၄)နှစ် မောင်းနှင်သည့် YGN-8/5C-XXXX NISSAN ဆီဘောက်ဆာမော်တော် ယာဉ်ပေါ်မှ ဒီဇယ်ဆီ ၅၀၀၀ လီတာတို့အား အထောက်အထားမဲ့ တရားမဝင် သယ်ဆောင်လာသည်ကို တွေ့ရှိရသဖြင့် စိုးကိုနှင့် စိုင်းမင်းသူတို့ နှစ်ဦးအား မှော်ဘီမြို့မရဲစခန်း၌လည်းကောင်း ရေနံနှင့်ရေနံထွက်ပစ္စည်းဆိုင်ရာဥပဒေပုဒ်မ ၃၇ ဖြင့် အမှုဖွင့်အရေးယူထားကြောင်း သတင်းရရှိပါသည်။