မန္တလေးတိုင်းဒေသကြီး၊ မိတ္ထီလာမြို့နယ်၌ မော်တော်ယာဉ်မှ အရှိန်မထိန်းနိုင်ဘဲ ဆိုင်ကယ်အား ဝင်ရောက်တိုက်မိ၍ အမျိုးသား တစ်ဦး သေဆုံးပြီး သုံးဦး ဒဏ်ရာရရှိ

မန္တလေးတိုင်းဒေသကြီး၊ မိတ္ထီလာမြို့နယ်၌ မော်တော်ယာဉ်မှ အရှိန်မထိန်းနိုင်ဘဲ ဆိုင်ကယ်အား ဝင်ရောက်တိုက်မိ၍ အမျိုးသား တစ်ဦး သေဆုံးပြီး သုံးဦး ဒဏ်ရာရရှိ

     မန္တလေးတိုင်းဒေသကြီး၊ မိတ္ထီလာမြို့နယ်၌ ၂၀၂၅ ခုနှစ်၊ အောက်တိုဘာ ၁၆ ရက်က မော်တော်ယာဉ်မှ အရှိန်မထိန်းနိုင်ဘဲ ဆိုင်ကယ်အား ဝင်ရောက်တိုက်မိ၍ အမျိုး သား တစ်ဦး သေဆုံးပြီး သုံးဦး ဒဏ်ရာရရှိခဲ့ကြောင်း သိရသည်။

     အောက်တိုဘာ ၁၆ ရက် ညနေ ၅ နာရီ ၄၅ မိနစ်တွင် မိတ္ထီလာမြို့နယ်၊ မိတ္ထီလာ-မလှိုင်ကားလမ်း မိုင်တိုင်အမှတ် ၈ မိုင် ၀ ဖာလုံနှင့် ၁ ဖာလုံကြား၌ ယာဉ်တိုက်မှု ဖြစ် ပွားကြောင်းသတင်းအရ အမှတ်(၉၆) ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များက သွားရောက်စစ်ဆေးခဲ့ရာ မိတ္ထီလာမြို့နယ်၊ အုပ်ကျင်း ကျေးရွာနေ အာကာကျော်(၂၆)နှစ်မောင်းနှင်ပြီး သဲတောလေး ကျေးရွာနေ ထူးနေအုပ်(၁၇)နှစ်နှင့် ထမုံကန်ကျေးရွာနေ ဖိုးသား(၁၇)နှစ်တို့လိုက်ပါလာသည့် YGN-17 8B-XXXX TOWNACE ယာဉ်သည် မိတ္ထီလာ-မလှိုင်ကားလမ်းအတိုင်း မောင်းနှင်လာစဉ် အခင်းဖြစ်နေရာအရောက်၌ အရှိန်မထိန်းနိုင်ဘဲ တစ်ဖက်ယာဉ်ကြောသို့ရောက်ရှိကာ မျက်နှာချင်းဆိုင်မှ မိတ္ထီလာမြို့ နယ်၊ ရေချိုကျေးရွာနေ ဦးတင်ထွန်းအောင်(၄၅)နှစ် မောင်းနှင်လာသည့် SHN-XXXX HONDA 110 ဆိုင်ကယ်အား ဝင်ရောက် တိုက်မိခဲ့သဖြင့် ဦးတင်ထွန်းအောင်တွင် ဒဏ်ရာများရရှိကာ အခင်းဖြစ်နေရာ၌ သေဆုံးသွားခဲ့ပြီး အာကာကျော်၊ ထူးနေအုပ်နှင့် ဖိုးသားတို့တွင် ဒဏ်ရာများ အသီးသီး ရရှိခဲ့သောကြောင့် အာကာကျော်အား မိတ္ထီလာမြို့မရဲစခန်း ယာဉ်(ပ)၁၉/၂၀၂၅၊ ရာဇသတ်ကြီးပုဒ်မ ၃၀၄-က/ ၃၃၇ ဖြင့် အမှုဖွင့်အရေးယူ ထားကြောင်း သတင်းရရှိသည်။