မွန်ပြည်နယ်၊ မုဒုံမြို့နယ်၊ မြို့မ(၂)ရပ်ကွက်၌ သားရေမှိုင်းခံရုံ မီးလောင်မှု 

မွန်ပြည်နယ်၊ မုဒုံမြို့နယ်၊ မြို့မ(၂)ရပ်ကွက်၌ သားရေမှိုင်းခံရုံ မီးလောင်မှု 

    ၂၀၂၆ ခုနှစ်၊ ဖေဖော်ဝါရီ ၁၂ ရက် နံနက် ၂ နာရီ ၄၅ မိနစ်ခန့်က မွန်ပြည်နယ်၊ မုဒုံမြို့နယ်၊ မြို့မ(၂)ရပ်ကွက်၊ ကော့ဟဘင်ဘုရားလမ်းတွင် ပိုင်ရှင် ဦးနေလင်းဦး(၄၃)နှစ်၏ ၁၀ x ၁၀ ပေ၊ သွပ်မိုး၊ အုတ်ကာ၊ အုတ်ခင်း မှိုင်းခံရုံတွင် ရော်ဘာသားရေကွင်းမှိုင်းခံထားရာမှ အပူလွန်ကဲပြီး မီးစတင်လောင်ကျွမ်းမှုဖြစ်ပွားကြောင်း သတင်းရရှိသဖြင့် မုဒုံမြို့နယ်မီးသတ်စခန်းမှ မီးသတ်တပ်ဖွဲ့ဝင်များသည် မီးသတ်ယာဉ် လေးစီးဖြင့် မီးငြှိမ်းသတ်ခဲ့ရာ နံနက် ၃ နာရီ ၂၀ မိနစ်တွင် မီးငြိမ်းခဲ့ပါသည်။ 

    အဆိုပါ မီးလောင်မှုကြောင့် ၁၀ x ၁၀ ပေ၊ သွပ်မိုး၊ အုတ်ကာ၊ အုတ်ခင်း မှိုင်းခံရုံ တစ်ရုံ၊ ရော်ဘာပေါင် ၁၀၀ ခန့် မီးလောင်ဆုံးရှုံးခဲ့ကြောင်းနှင့် ဦးနေလင်းဦး အား မုဒုံမြို့မရဲစခန်းမှ အမှုဖွင့်အရေးယူထားကြောင်း သတင်းရရှိပါသည်။