ရန်ကုန်တိုင်းဒေသကြီး၊ တိုက်ကြီးမြို့နယ်၌ ယာဉ်တိုက်မှုဖြစ်ပွား၍ အမျိုးသမီး တစ်ဦး သေဆုံးပြီး အမျိုးသမီး ခုနစ်ဦး ဒဏ်ရာရရှိ

ရန်ကုန်တိုင်းဒေသကြီး၊ တိုက်ကြီးမြို့နယ်၌ ယာဉ်တိုက်မှုဖြစ်ပွား၍ အမျိုးသမီး တစ်ဦး သေဆုံးပြီး အမျိုးသမီး ခုနစ်ဦး ဒဏ်ရာရရှိ

     ၂၀၂၆ ခုနှစ်၊ ဧပြီ ၂၄ ရက်က ရန်ကုန်တိုင်းဒေသကြီး၊ တိုက်ကြီးမြို့နယ်၌ ယာဉ်တိုက်မှုဖြစ်ပွား၍ အမျိုးသမီး တစ်ဦး သေဆုံးပြီး အမျိုးသမီး ခုနစ်ဦး ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ ဧပြီ ၂၄ ရက် နံနက် ၅ နာရီ ၅၅ မိနစ်တွင် တိုက်ကြီးမြို့နယ်၊ အင်ကုန်းကျေးရွာအနီး ရန်ကုန်-ပြည်ကားလမ်း မိုင်တိုင်အမှတ် ၅၅ မိုင် ၇ ဖာလုံနှင့် ၅၆ မိုင် ၀ ဖာလုံကြား၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၆၁)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များက သွားရောက်စစ်ဆေးခဲ့ရာ အဆိုပါလမ်းအတိုင်း မြောက်မှ တောင်သို့ လက်ပံတန်းမြို့နယ်၊ ဇီးဖြူကုန်းကျေးရွာနေ ဦးမင်းခန့်ကျော် (၃၀)နှစ် မောင်းနှင်လာသည့် BGO-18 1R/XXXX SUZUKI CARRY ယာဉ်သည် အခင်းဖြစ်နေရာအရောက် အရှိန်မထိန်းနိုင်ဘဲ လမ်းဘေးတွင်ရှိနေသော အထည်ချုပ်ဝန်ထမ်းများဖြစ်သည့် တိုက်ကြီးမြို့နယ်၊ ခွေးအိပ်ချောင်းကျေးရွာနေ ဒေါ်မူမူသင်း(၄၃)နှစ်ပါ အမျိုး သမီး ရှစ်ဦးအား ဝင်ရောက်တိုက်မိခဲ့သဖြင့် ဒေါ်မူမူသင်းတွင် ဒဏ်ရာများရရှိကာ သေဆုံးသွားခဲ့ပြီး မထွေးညိုသန်း(၂၅)နှစ်ပါ ခုနစ်ဦးတွင် ဒဏ်ရာများ အသီးသီးရရှိခဲ့သောကြောင့် မင်းခန့်ကျော် အား တိုက်ကြီးမြို့မရဲစခန်း ယာဉ်(ပ)၁၀/၂၀၂၆၊ ရာဇသတ်ကြီး ပုဒ်မ ၃၀၄-က/၃၃၈/၃၃၇/၂၇၉ ဖြင့် အမှုဖွင့်အရေးယူထားကြောင်း သတင်း ရရှိပါသည်။