ရန်ကုန်တိုင်းဒေသကြီး၊ လှိုင်သာယာ(အနောက်ပိုင်း)မြို့နယ်၌ မော်တော်ယာဉ်မှ အရှိန်မထိန်းနိုင်ဘဲ ဝင်ရောက်တိုက်မိခဲ့မှုကြောင့် စက်ဘီးစီးနင်းသူ အမျိုးသား တစ်ဦး သေဆုံး

ရန်ကုန်တိုင်းဒေသကြီး၊ လှိုင်သာယာ(အနောက်ပိုင်း)မြို့နယ်၌ မော်တော်ယာဉ်မှ အရှိန်မထိန်းနိုင်ဘဲ ဝင်ရောက်တိုက်မိခဲ့မှုကြောင့် စက်ဘီးစီးနင်းသူ အမျိုးသား တစ်ဦး သေဆုံး

   ၂၀၂၆ ခုနှစ်၊ မေ ၂၉ ရက်က ရန်ကုန်တိုင်းဒေသကြီး၊ လှိုင်သာယာ(အနောက်ပိုင်း)မြို့နယ်၌ မော်တော်ယာဉ်မှ အရှိန်မထိန်းနိုင်ဘဲ ဝင်ရောက်တိုက်မိခဲ့မှုကြောင့် စက်ဘီးစီးနင်းသူ အမျိုးသား တစ်ဦး သေဆုံးခဲ့ကြောင်း သိရသည်။

     ဖြစ်စဉ်မှာ မေ ၂၉ ရက် နံနက် ၈ နာရီတွင် ရန်ကုန်တိုင်းဒေသကြီး၊ လှိုင်သာယာ(အနောက်ပိုင်း) မြို့နယ်၊ အမှတ်(၅)လမ်းမကြီးပေါ်ရှိ စုပေါင်းရုံးမှတ်တိုင်အနီး၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၉)ယာဉ်ထိန်းရဲဒုတပ်ဖွဲ့ခွဲမှ တပ်ဖွဲ့ဝင်များက သွားရောက်စစ်ဆေးခဲ့ရာ အမှတ်(၅) လမ်းမကြီးအတိုင်း အနောက်မှအရှေ့သို့ ရန်ကုန်တိုင်းဒေသကြီး၊ ထန်းတပင်မြို့နယ်၊ ကျိုက္ခနာ ကျေးရွာနေ သဲမောင်(၁၉)နှစ် မောင်းနှင်လာသည့် BGO-11/2Q-XXXX KIA BONGO မော်တော်ယာဉ်သည် အခင်းဖြစ်နေရာအရောက်၌ အရှိန်မထိန်းနိုင်ဘဲ လှိုင်သာယာ(အရှေ့ပိုင်း)မြို့နယ်၊ အမှတ်(၂)ရပ်ကွက်နေ ဦးစိန်လင်း(၆၇)နှစ် စီးနင်းနေသည့် စက်ဘီးအား ဝင်ရောက်တိုက်မိခဲ့သဖြင့် ဦးစိန်လင်းတွင် ထိခိုက်ဒဏ်ရာ များရရှိကာ သေဆုံးသွားခဲ့သောကြောင့် သဲမောင် အား လှိုင်သာယာ (အနောက်ပိုင်း)မြို့မရဲစခန်း ယာဉ်(ပ)၁၁/၂၀၂၆၊ ရာဇသတ်ကြီးပုဒ်မ ၃၀၄-က/ ၂၇၉ ဖြင့် အမှုဖွင့် အရေးယူထားကြောင်း သတင်း ရရှိပါသည်။