ရန်ကုန်တိုင်းဒေသကြီး၊ အင်းစိန်မြို့နယ်၌ မော်တော်ယာဉ်မှ အရှိန်မထိန်းနိုင်ဘဲ စက်ဘီးနှင့်ဆိုင်ကယ်တို့အား ဝင်ရောက်တိုက်မိ၍ အမျိုးသား တစ်ဦး သေဆုံးကာ နှစ်ဦး ထိခိုက်ဒဏ်ရာရရှိ

ရန်ကုန်တိုင်းဒေသကြီး၊ အင်းစိန်မြို့နယ်၌ မော်တော်ယာဉ်မှ အရှိန်မထိန်းနိုင်ဘဲ စက်ဘီးနှင့်ဆိုင်ကယ်တို့အား ဝင်ရောက်တိုက်မိ၍ အမျိုးသား တစ်ဦး သေဆုံးကာ နှစ်ဦး ထိခိုက်ဒဏ်ရာရရှိ

     ၂၀၂၅ ခုနှစ်၊ မေ ၁၉ ရက်က ရန်ကုန်တိုင်းဒေသကြီး၊ အင်းစိန်မြို့နယ်၌ မော်တော်ယာဉ်မှ အရှိန်မထိန်းနိုင်ဘဲ စက်ဘီးနှင့်ဆိုင်ကယ်တို့အား ဝင်ရောက်တိုက်မိ၍ အမျိုးသား တစ်ဦး သေဆုံးကာ နှစ်ဦး ထိခိုက်ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ မေ ၁၉ ရက် နံနက် ၇ နာရီ ၃၀ မိနစ်တွင် ရန်ကုန်တိုင်းဒေသကြီး၊ အင်းစိန်မြို့နယ်၊ လှိုင်မြစ်လမ်း၊ အောင်ဇေယျတံတားအဆင်း၌ ယာဉ်တိုက်မှုဖြစ်ပွားကြောင်း သတင်းအရ အမှတ်(၆၉) ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များက သွားရောက်စစ်ဆေးခဲ့ရာ လှိုင်မြစ်လမ်းအတိုင်း လှိုင်သာယာမြို့မှ အင်းစိန်မြို့သို့ လှိုင်သာယာ(အရှေ့ပိုင်း)မြို့နယ်၊ အလယ်ကျေးရွာနေ ထက်ဦး(၂၃)နှစ် မောင်းနှင်လာသည့် SHN-18/1F-XXXX MITSUBISHI အဖြူရောင်မော်တော်ယာဉ်သည် အောင်ဇေယျတံတားအဆင်းအရောက် အရှိန်မထိန်းနိုင်ဘဲ လားရာတူ ၎င်း၏အရှေ့မှ လှိုင်သာယာ(အရှေ့ပိုင်း)မြို့နယ်၊ ရခိုင်ရိုးကြီးကျေးရွာနေ ဦးခင်မောင်ဝင်း(၅၂)နှစ် စီးနင်းနေသည့် စက်ဘီးနှင့် လှိုင်သာယာ(အနောက်ပိုင်း)မြို့နယ်၊ အတွင်းပဒံကျေးရွာနေ ဦးမျိုးမင်းအောင်(၄၃)နှစ် မောင်းနှင်ပြီး ၎င်း၏သားဖြစ်သူ မောင်သီဟမင်းထက်(၈)နှစ် လိုက်ပါလာသည့် ဆိုင်ကယ်တို့အား ဝင်ရောက်တိုက်မိခဲ့သဖြင့် ဦးမျိုးမင်းအောင်မှာ အခင်းဖြစ်နေရာ၌ သေဆုံးသွားခဲ့ပြီး ဦးခင်မောင်ဝင်းနှင့် မောင်သီဟမင်းထက်တို့တွင် ထိခိုက်ဒဏ်ရာများရရှိခဲ့သောကြောင့် ထက်ဦး အား အင်းစိန်မြို့မရဲစခန်း ယာဉ်(ပ)၁၇/၂၀၂၅၊ ရာဇသတ်ကြီးပုဒ်မ ၃၀၄-က/၃၃၈/ ၃၃၇/၂၇၉ ဖြင့် အမှုဖွင့်အရေးယူထားကြောင်း သတင်းရရှိပါသည်။