ရှမ်းပြည်နယ်(တောင်ပိုင်း)၊ ကလောမြို့နယ်၌ ဆီဘောက်ဆာမော်တော်ယာဉ် တိမ်းမှောက်မှုကြောင့် အမျိုးသား နှစ်ဦး ထိခိုက်ဒဏ်ရာရရှိ

ရှမ်းပြည်နယ်(တောင်ပိုင်း)၊ ကလောမြို့နယ်၌ ဆီဘောက်ဆာမော်တော်ယာဉ် တိမ်းမှောက်မှုကြောင့် အမျိုးသား နှစ်ဦး ထိခိုက်ဒဏ်ရာရရှိ

     ၂၀၂၅ ခုနှစ်၊ ဇွန် ၁၅ ရက်က ရှမ်းပြည်နယ်(တောင်ပိုင်း)၊ ကလောမြို့နယ်၌ ဆီဘောက်ဆာ မော်တော်ယာဉ် တိမ်းမှောက်မှုကြောင့် အမျိုးသား နှစ်ဦး ထိခိုက်ဒဏ်ရာရရှိခဲ့ကြောင်း သိရသည်။

     ဖြစ်စဉ်မှာ ဇွန် ၁၅ ရက် မွန်းလွဲ ၃ နာရီ ၄၅ မိနစ်တွင် ရှမ်းပြည်နယ်(တောင်ပိုင်း)၊ ကလောမြို့နယ်၊ ဟဲဟိုးမြို့၊ ပြည်ထောင်စုလမ်းမကြီး မိုင်တိုင်အမှတ် ၈၇ မိုင် ၄ ဖာလုံနှင့် ၅ ဖာလုံကြား သီခေါင်တောင်အဆင်းလမ်းကွေ့၌ ယာဉ်တိမ်းမှောက်မှုဖြစ်ပွားကြောင်း သတင်းအရ အမှတ်(၁၁၇)ယာဉ်ထိန်းရဲတပ်ဖွဲ့စုမှ တပ်ဖွဲ့ဝင်များပါဝင်သော ပူးပေါင်းအဖွဲ့က သွားရောက်စစ်ဆေးခဲ့ရာ အောင်ပန်းမြို့မှ ဟဲဟိုးမြို့သို့ ရန်ကုန်တိုင်းဒေသကြီး၊ သာကေတမြို့နယ်နေ မျိုးဇော်လင်းထွေး(၄၄)နှစ် မောင်းနှင်ပြီး ပဲခူးတိုင်းဒေသကြီး၊ ရေနီမြို့နေ ကျော်ကိုကို(၂၈)နှစ်တို့ လိုက်ပါလာသည့် YGN-21/ 1N-XXXX NISSAN UD QUESTER ၂၂ ဘီး အနီရောင် ဆီဘောက်ဆာမော်တော်ယာဉ်သည် အခင်းဖြစ်နေရာအရောက်၌ အရှိန်မထိန်းနိုင်ဘဲ လမ်းဝဲဘက်ခြမ်းသို့ ထိုးကျတိမ်းမှောက်သွားခဲ့သဖြင့် မျိုးဇော်လင်းထွေးနှင့် ကျော်ကိုကိုတို့ နှစ်ဦးတွင် ထိခိုက်ဒဏ်ရာများ ရရှိခဲ့သဖြင့် မျိုးဇော်လင်းထွေး အား ဟဲဟိုးနယ်မြေရဲစခန်း ယာဉ်(ပ)၁၂/၂၀၂၅၊ ရာဇသတ်ကြီးပုဒ်မ ၂၇၉/၃၃၇/၃၃၈ ဖြင့် အမှုဖွင့်အရေးယူထားကြောင်း သတင်းရရှိပါသည်။