သက်ကြီးစာပေပညာရှင်များ ပူဇော်ကန်တော့ပွဲအတွက် အလှူငွေများ ဆက်လက်လှူဒါန်း

သက်ကြီးစာပေပညာရှင်များ ပူဇော်ကန်တော့ပွဲအတွက် အလှူငွေများ ဆက်လက်လှူဒါန်း

ရန်ကုန် နိုဝင်ဘာ ၁၆

၁၃၈၇ ခုနှစ် မြန်မာနိုင်ငံစာဆိုတော်နေ့ အထိမ်းအမှတ် (၃၈) ကြိမ်မြောက် သက်ကြီးစာပေပညာရှင်များ ပူဇော်ကန်တော့ပွဲအတွက် အလှူရှင်များက အလှူငွေများ ဆက်လက်လှူဒါန်းကြသည်။

ထိုသို့လှူဒါန်းရာတွင် အမျိုးသားကာကွယ်ရေးနှင့် လုံခြုံရေးကောင်စီရုံးက အလှူငွေကျပ်သိန်း ၁ဝဝ၊ ရန်ကုန်တိုင်းဒေသကြီးအစိုးရအဖွဲ့က ငွေကျပ် ၂၈၈ သိန်း၊ သာကေတမြို့နယ် စာရေးဆရာအသင်းဝင် ဆရာနန်းအောင်လှိုင် - ဆရာမ သီရိနန်းထက်စံမိသားစုနှင့် ဆရာကြီး တက္ကသိုလ်တင်မောင်ထွေး (နတ်ရေကန်) အား ရည်စူး၍ နတ်ရေကန်မိသားစုတို့က ငွေကျပ် ၁၀ သိန်းစီ၊ ကွယ်လွန်သူ ဦးကျော်ဝင်း (ပုဏ္ဏဝတီဘုန်းဆွေ) အား ရည်စူး၍ ဇနီးဖြစ်သူ ဒေါ်ဘေဘီမြင့် (ရွှေဘိုသီရိမာလာ) သားများ ဖြစ်ကြသော ဦးကိုကိုအောင်၊ ဦးကိုကိုမောင်နှင့် ဦးကိုကိုနိုင်မိသားစုက ငွေကျပ် ငါးသိန်း၊ အမရပူရမြို့နယ် စာရေးဆရာအသင်းက ငွေကျပ် ၁၁၀ဝဝဝ၊ ဦးညွန့်တင် (မောင်ငြိမ်းသူ-ကြို့ပင်ကောက်)၊ ဆရာဦးကျော်မြင့်(GA)နှင့် ကြံခင်းမြို့နယ် စာရေးဆရာအသင်း တို့က ငွေကျပ်တစ်သိန်းစီ၊ ဒေါ်ခင်အေးသန်း (စာရေးဆရာမ ခင်ဆွေလတ်)၊ တောင်ငူမြို့နယ် စာရေးဆရာအသင်း၊ အလုံမြို့နယ် စာရေးဆရာအသင်းနှင့် ပန်းတောင်းမြို့နယ် စာရေးဆရာ အသင်းတို့က ငွေကျပ် ငါးသောင်းစီ၊ မောင်ကျော်ဇော(နံ့သာမြေ)က ငွေကျပ်တစ်သောင်း ပေးအပ်လှူဒါန်းကြရာ အသင်းဥက္ကဋ္ဌ ဦးအုန်းမောင် (မြင်းမူမောင်နိုင်မိုး) နှင့် အတွင်းရေးမှူး ဦးညွန့်တင် (မောင်ငြိမ်းသူ-ကြို့ပင်ကောက်) တို့က လက်ခံရယူပြီး ကျေးဇူးတင်စကားပြန်လည်ပြောကြားသည်။

အလှူငွေဖြစ်စေ၊ အလှူပစ္စည်းဖြစ်စေ လှူဒါန်းလိုပါက မြန်မာနိုင်ငံစာရေးဆရာအသင်း အမှတ် (၁၇၃/၁၇၅) ပန်းဆိုးတန်းလမ်း (အလယ်) ကျောက်တံတား မြို့နယ် ရန်ကုန်မြို့ ဖုန်း-ဝ၁- ၂၅၂၄၁၇၊ ၀၉-၄၅၀၀၉၀၄၈၆ သို့ ဆက်သွယ်လှူဒါန်းနိုင်ကြောင်း သိရသည်။

သတင်းစဉ်