ဧရာဝတီတိုင်းဒေသကြီး၊ ညောင်တုန်းမြို့နယ်၌ ယာဉ်တိမ်းမှောက်မှုဖြစ်ပွား၍ အမျိုးသမီး ၁ ဦး သေဆုံးကာ အမျိုးသား ၂ ဦးနှင့် အမျိုးသမီး ၁၀ ဦး ထိခိုက်ဒဏ်ရာရရှိ
ဧရာဝတီတိုင်းဒေသကြီး၊ ညောင်တုန်းမြို့နယ်၌ ယာဉ်တိမ်းမှောက်မှုဖြစ်ပွား၍ အမျိုးသမီး ၁ ဦး သေဆုံးကာ အမျိုးသား ၂ ဦးနှင့် အမျိုးသမီး ၁၀ ဦး ထိခိုက်ဒဏ်ရာရရှိ
Ministry of Home Affairs/ နေပြည်တော် / February 18, 2026
၂၀၂၆ ခုနှစ်၊ ဖေဖော်ဝါရီ ၁၆ ရက်က ဧရာဝတီတိုင်းဒေသကြီး၊ ညောင်တုန်းမြို့နယ်၌ ယာဉ်တိမ်းမှောက်မှုဖြစ်ပွား၍ အမျိုးသမီး ၁ ဦး သေဆုံးကာ အမျိုးသား ၂ ဦးနှင့် အမျိုးသမီး ၁၀ ဦး ထိခိုက်ဒဏ်ရာရရှိခဲ့ကြောင်း သိရသည်။
ဖြစ်စဉ်မှာ ဖေဖော်ဝါရီ ၁၆ ရက် နံနက် ၁၀ နာရီ ၁၅ မိနစ်တွင် ဧရာဝတီတိုင်းဒေသကြီး၊ ညောင်တုန်းမြို့နယ်၊ သခွပ်ချောင်းကျေးရွာအနီး၊ ရန်ကုန်-ညောင်တုန်းသွားကားလမ်း မိုင်တိုင်အမှတ် ၁ မိုင် ၄ ဖာလုံနှင့် ၅ ဖာလုံကြား၌ ယာဉ်တိမ်းမှောက်မှုဖြစ်ပွားကြောင်း သတင်းအရ ဆားမလောက်ရဲကင်းစခန်းမှ တပ်ဖွဲ့ဝင်များက သွားရောက်စစ်ဆေးခဲ့ရာ ညောင်တုန်းမြို့မှ ရန်ကုန်မြို့ဘက်သို့ ညောင်တုန်းမြို့နယ်၊ သက်ရင်းချောင်းကျေးရွာနေ ကျော်ထက်ကို(၃၁)နှစ် မောင်းနှင်ပြီး ယာဉ်ပေါ်တွင် အမျိုးသား ၁ ဦး၊ အမျိုးသမီး ၁၁ ဦး လိုက်ပါလာသော AYY/6V-XXXX ထော်လာဂျီယာဉ်သည် အခင်းဖြစ်နေရာအရောက်၌ ရှေ့ယာဘက်ဘီးဘောကွဲ၍ အရှိန်မထိန်းနိုင်ဘဲ လမ်းယာဘက်သို့ ထိုးကျတိမ်းမှောက်ခဲ့သဖြင့် ယာဉ်ပေါ်တွင် လိုက်ပါလာသူ ကျိုက်လတ်မြို့နယ်၊ ထိန်ကျွန်းကျေးရွာနေ ဒေါ်ဇင်မာဝင်း(၄၃)နှစ်တွင် ထိခိုက်ဒဏ်ရာများ ရရှိကာ အခင်းဖြစ်နေရာ၌ သေဆုံးသွားခဲ့ပြီး ယာဉ်မောင်း ကျော်ထက်ကိုပါ အမျိုးသား ၂ ဦးနှင့် အမျိုးသမီး ၁၀ ဦးတို့တွင် ထိခိုက်ဒဏ်ရာများ ရရှိခဲ့သဖြင့် ကျော်ထက်ကို အား မဲဇလီနယ်မြေရဲစခန်း ယာဉ်(ပ)၆/၂၀၂၆၊ ရာဇသတ်ကြီးပုဒ်မ ၃၀၄-က/၃၃၈/၃၃၇ ဖြင့် အမှုဖွင့်အရေးယူထားကြောင်း သတင်းရရှိပါသည်။